LUKAS 22:35 - Rengah Jian

³⁵ La'ah Yésus neteng irah éh bakéh Néh, ha' Néh, Kineu' keteleu', hun Ké' nyohoo' keh lakau sahau rai hun Ké' meta' keh mihin gaweng ngan rigit ngan kasut ngan bék keh rai kineu', pu'un ineu'-ineu' éh bé' sukup ngan keh, ha' Néh. Ha' irah bakéh Néh, Bé', hun irai kekat néh béé pu'un éh sukup, ha' réh.

LUKAS 22:35 Iomraidhean Croise

LUKAS 10:4

Hun keh lakau mai keh mihin rigit, ngan mai keh mihin gaweng jalan keh menyat belunan, ngan mai keh mihin kasut. Hun kelunan pu'un petemeu' ngan keh vevilang jalan, mai keh bubuu' neu' réh.

LUKAS 22:34

Ka' ha' Yésus kepéh, O Péterus, bé' éh kenat, lem dau iteu' bé' jak iap sakui ngelangéé', neu' kenin ko' medai, pu'un ke' ngaken teleu' koléé' bara', Bé' akeu' jam Iah, ha' Yésus ngan néh.

LUKAS 22:36

Ka' ha' Néh kepéh, Bang hun iteu' tengéé' mu'un éh jin sahau rai, séé'-séé' éh pu'un rigit ngan pu'un gaweng, jian éh mihin éh. Hun kerayung néh pu'un, jian éh melih éh dokoo' néh omok melih po'é palaa' rigit tong kerayung inah.

LUKAS 9:3

Ka' ha' Néh ngan réh, Mai keh mihin ineu'-ineu' lem pengelakau keh da', mai mihin sekot, mai mihin gaweng éh jalan keh menyat belunan, mai mihin penguman, mai mihin rigit, mai mihin kerayung keh duah.

2 KORINTUS 8:15

Barei' ha' lem surat Allah, ka' ha' Néh, Kelunan éh alaa' éh pinaa' bé' éh mutaa' kepéh, Kelunan éh alaa' éh kerat awah péh, bé' éh pu'un kurang, ha' Néh.