LUKAS 22:32 - Rengah Jian

³² Na' péh éh tupat keteleu' kenat, Akeu' pu'un bara' keh lem sebayang Ké' Simon, jalan pengelan ko' pu'un reken, ha' Néh. Tovoo' ko' pekoléé' kenin, tekep ke' ngereken irah padéé' ko'.

LUKAS 22:32 Iomraidhean Croise

MATIUS 18:3

ka' ha' néh, Akeu' bara' mu'un ngan keh, hun keh bé' paléu' kenin barei' kenin irah anak, bé' keh omok tai lem nihau Allah.

MATIUS 26:75

boh Péterus seruh kepéh tong ha' Yésus ngan néh rai, Bé' jak iap sakui ngelangéé', pu'un ke' ngaken teleu' koléé' bara' ke' bé' jam Akeu', ha' néh. Pelapah Péterus musit jin sinah ngan mangaa' mu'un-mu'un.

MARKUS 14:72

Pelapah pu'un iap ngelangéé' kepéh, boh Péterus petavéé' kenin tong ha' Yésus iri', Bé' jak iap sakui ngelangéé' duah koléé', teleu' koléé' ke' ngaken bara' bé' ke' jam Akeu', ha' rai. Hun Péterus petavéé' kenin tong ha' Yésus pané kenat, tioo mangaa' éh ngan besau kenin.

MARKUS 16:7

Jian koh tai bara' ngan kekat bakéh Néh, avéé' tong Péterus péh, Yésus lepah tai Galilia saa' tenah ka'ah, sitai keh omok temeu' ngan Néh, pekua' barei' ha' Néh ngan keh rai, ha' Néh ngan rawah redo inah.

LUKAS 8:13

Tulin éh pelohoo' tong bateu' ja'au éh pu'un tana' si'ik awah tong néh nah, inah éh kelunan éh lepah menéng ha' tebaraa' Tuhan, laho réh alaa' éh ngan jian kenin, bang bé' iteu' masek lem lepok kenin réh. Pu'un réh ngelan bang metok awah éh, hun tenupat ngan sioo' penusah, pu'un réh moléé' murin kepéh jin pengelan réh.

YOHANES 14:19

Bé' lebéé' la'ah irah éh mihau urip réh tong tana' iteu' awah, bé' réh omok na'at Akeu' kepéh, bang omok ka'ah na'at Akeu'. Uban Akeu' murip ke' ka'ah péh omok murip.

PENGANEU' LAWAH 3:19

Uban néh kenat jian keh piso jin kesa'at keh ngan tavin Allah, jalan Néh mega' penyala' keh,

SURAT PAULUS NGAN SIDANG RUM 8:32

Uban bé' Tuhan sihun tong Anak Néh, bang Iah mena' éh ke' Néh matai uban Néh ngeliwah kekat uleu'. Anak Néh mu'un éh nena' Néh. Hun néh kenat, adang Iah keloo' mena' ineu'-ineu' éh jah ngan uleu' kepéh éh omok mihin uleu' menang.

SURAT PAULUS NGAN SIDANG RUM 8:34

Hun néh kenat, bé' pu'un kelunan éh omok pesala' réh. Uban Kristus Yésus éh matai, éh mu'un néh Allah éh pebetéé' Éh jin patai Néh ngan pu'un Éh saa' na'au' Allah. Iah péh muruh sebayang uleu' ngan Allah.

2 TIMOTIUS 2:18

Pu'un réh netat jin ha' tebaraa' éh teneng, ngan hun iteu' irah mihin kuraa' kelunan petat jin pengelan réh tong Kristus. Uban réh bara', pengebetéé kelunan jin pematai lepah pu'un tenéh.

TITUS 1:1

Surat iteu' jin akeu' Paulus kelunan sohoo' Allah ngan lawah Yésus Kristus. Pu'un Allah ngevéléé' akeu' dokoo' ké' omok ngereken pengelan kelunan éh anah Allah, ngan mihin réh jam tong ha' tebaraa' éh teneng dalem sebayang mé'.

IBRANI 12:15

Mavaa' keh dai pu'un kelunan bet Allah éh na' penika Néh ngan lu'. Mai pu'un séé'-séé' péh éh barei' pulah éh petuh, éh maneu' pinaa' penusah ngan éh ngesa'at kelunan palaa' katah néh.

IBRANI 7:25

Kenat péh kekat kelunan éh tuai tavin Tuhan dalem Iah, Kristus pu'un penyukat purip réh, kenat éh hun iteu', kenat péh avéé' pelinguh, uban Iah murip pelinguh ngelayau Éh menyat Allah pika réh.

1 PÉTERUS 1:1

Surat iteu' jin Péterus, Lawah Yésus Kristus surat iteu' nena' ngan kelunan éh kevéléé' Allah éh lepah piso jin tana' réh tengéé', éh purat ngan mokoo' tong tana' Pontus, Galatia, Kapadokia, Asia ngan Bitinia.

1 PÉTERUS 1:13

Uban néh kenat jian keh ngelayau petenup, mavaa' mu'un-mu'un ngan pu'un pengepelum penoo' tong pengejian éh juk nena' ngan keh tovoo' Yésus Kristus tuai kepéh.

1 PÉTERUS 1:5

Kekat pengejian inah anah ka'ah uban keh ngelan tong Allah. Uban kenat ka'ah pu'un nihau neu' penyukat Allah dokoo' ka'ah omok alaa' jalan alaa' urip éh petenup Néh ke' Néh pepoléng éh tovoo' ga' dau.

2 PÉTERUS 3:14

Uban néh kenat, O kekat padéé' éh kemurung ké', kelebéé' keh mena Dau inah avéé', jian keh mekat dokoo' keh pu'un ni'ai ngan bé' pu'un sala' ineu'-ineu' tong jumen Allah.

1 YOHANES 2:19

Kekat kelunan inah bé' réh pekua' kenin ngan lu', kenat péh irah piso jin uleu'. Hun réh pu'un pekua' kenin ngan lu', adang irah petem pemung ngan lu'. Irah nelana' réh tengéé' mu'un kenin ngan uleu' uban réh piso jin uleu'.