LUKAS 22:26 - Rengah Jian

²⁶ Bang bé' éh kenat tong ka'ah iteu'. Bang kelunan éh ja'au urip jin belah ka'ah, jian éh seruh usah néh barei'-okoo' éh si'ik, ngan iah éh pengeja'au keh, jian éh pekua' barei' kelunan sohoo' awah.

LUKAS 22:26 Iomraidhean Croise

MATIUS 20:26

Bang bé' tekep éh pu'un kenat belah ka'ah iteu'. Séé'-séé' jin belah keh éh seruh juk ja'au, tekep éh ngerera' ngan mihau ka'ah barei' kelunan sohoo' awah.

MARKUS 10:43

Bang bé' tekep éh pu'un kenat belah ka'ah iteu'. Séé'-séé' jin belah ka'ah éh seruh juk ja'au, tekep éh ra' mu'un barei' kelunan éh sohoo' awah.

MARKUS 9:35

Boh Yésus menyun ke' Néh tebai irah bakéh Néh tuai, ka' ha' Néh ngan réh, Kelunan éh juk ja'au nah, jian iah tai ra' mu'un, barei' kelunan sohoo' awah, ha' Néh.

LUKAS 9:48

La'ah ha' Néh ngan réh, séé'-séé' éh alaa' anak kenat lem ngaran Ké', inah iah alaa' Akeu', ngan séé'-séé' éh alaa' Akeu', inah iah alaa' Iah éh nyohoo' Akeu' tuai. Kenat péh séé'-séé' éh ra' belah ka'ah, iah ke' éh ja'au mu'un belah keh kepéh, ha' Néh ngan réh.

SURAT PAULUS NGAN SIDANG RUM 12:2

Mai keh kivu barék kelunan éh bé' ngelan tong Tuhan, bang jian keh kejeraa' Allah ngepaléu kenin keh mu'un neu' Iah ngepaléu kekat penyeruh keh tong éh sa'at rai. Boh keh omok jam tong pengeloo' Allah ngan jam tong kekat éh jian ngan éh ngepayoo' kenin Néh ngan sukup mu'un.

1 PÉTERUS 5:3

Mai keh mihau réh ngan mahéng kenin ngan bau kenin, bang jian kekat barék ngan kenin keh pu'un jian ke' néh omok jah telana' ngan irah.

1 PÉTERUS 5:5

Kenat péh kepéh kekat ka'ah lemanai, jian ka'ah kivu sohoo' irah éh ja'au. Jian ka'ah béé-béé diva' kenin, nolong petolong uban pu'un jah ha' dalem surat Allah éh bara' ka', Allah ngelawan irah éh bau kenin bang Iah pika irah éh diva' kenin, ha' Néh. '