LUKAS 22:20 - Rengah Jian

²⁰ Kenat péh la'o réh kuman, inah Iah mena' baa' ngan réh, Ka' ha' néh ngan réh, Baa' iteu', inah éh seleket dahaa' Ké' éh juk nena' Ké' ngeliwah ka'ah, éh dahaa' Ké' éh maneu' jajii' maréng neu' Tuhan ngan kekat kelunan.

LUKAS 22:20 Iomraidhean Croise

MATIUS 26:28

Iteu' néh seleket dahaa' Ké', inah éh maneu' jajii' Allah pu'un petem, iteu' éh dahaa' Ké' éh pega' dokoo' Ké' bet penyala' kelunan pinaa'.

MARKUS 14:24

Ka' ha' Yésus kepéh, Iteu' néh seleket dahaa' Ké' éh nena' Ké' ngeliwah kekat kelunan, dahaa' Ké', inah éh maneu' jajii' Allah pu'un petem.

1 KORINTUS 11:25

Kenat péh la'o réh kuman, Iah alaa' sawan baa' kepéh, ha' Néh, Baa' iteu' néh seleket dahaa' ké', uban neu' dahaa' ké' pega', inah éh maneu' jajii' Allah pu'un petem. Siget koléé' keh mesep éh, jian keh mesep petesen kenin keh tong Akeu', ha' Néh.

2 KORINTUS 3:6

Uban Iah éh maneu' améé' jam nebaraa' kelunan tong jajii' Néh éh maréng tong jalan Néh juk purip réh. Bé' éh neu' réh kivu kuraa'-kuraa' sohoo' éh lepah senurat Néh, bang neu' Sahéé'. Uban kekat sohoo' éh senurat Néh nah ngukum réh matai, bang Sahéé' Ni'ai éh purip kenin kelunan.

IBRANI 12:24

Ka'ah lepah tuai tavin Yésus, Iah éh maneu' jajii' maréng inah, ngan tavin dahaa' éh penirih éh pejajii' tong kekat éh pelapah jian jin dahaa' Habel.

IBRANI 13:20

Allah lepah Pebetéé' Tuhan lu' Yésus jin pematai Néh. Uban neu' pematai Néh inah, Iah hun iteu' omok Gembala éh pengeja'au kekat Gembala uleu; domba-domba Néh. Pematai Néh péh netap jajii' éh pelinguh éh naneu' Allah ngan uleu'.

IBRANI 9:15

Uban néh kenat inah Kristus maneu' jalan tong jajii' éh maréng ngan uleu' dokoo' kekat kelunan éh tenebai Allah omok alaa' pengejian pelinguh pekua' éh pejajii' Allah. Éh ke' néh omok kenat uban Kristus lepah matai dokoo' ngelepu kelunan jin penyala' éh naneu' réh hun réh kivu jajii' éh bu'un nah keto.

IBRANI 9:17

Uban surat nah seleket néh bé' pu'un kelebéé' kelunan éh maneu' éh nah murip keto, hun néh lepah matai boh réh omok kivu sohoo' néh lem surat néh inah.