LUKAS 22:2 - Rengah Jian

² Tovoo' inah irah pengeja'au imam ngan irah guru éh nebaraa' tong Surat Musa, pitah jalan juk mematai Yésus, kelebéé' kelunan pinaa' nah bé' jam éh jak uban medai réh tong kelunan pinaa' nah.

LUKAS 22:2 Iomraidhean Croise

MATIUS 12:14

Musit lah kelunan Parisi nah tioo peteteng pitah jalan ke' réh omok mematai Yésus.

MATIUS 21:38

Bang bé' irah alaa' éh. Hun irah éh mihau pulah nah na'at éh tuai, irah tioo bara', Inah savéé' anak lakei' ja'au, tai tam mematai éh, boh pulah iteu' omok anah uleu' mu'un, ha' réh.

MATIUS 26:2

Duah dau la'ah pu'un Dau Ja'au Paska, ngan tovoo' Dau Ja'au inah pu'un kelunan mena' Anak Kelunan ngan réh ke' réh mematai éh tong kayeu' salib, ha' néh.

MARKUS 14:1

La'ah duah dau teka irah Yahudi juk maneu' Dau Ja'au Paska ngan Dau Ja'au Roti éh bé' pu'un tawan pekevat, tovoo' inah irah pengeja'au imam ngan irah guru éh nebaraa' tong Surat Musa, pitah jalan dokoo' ngamit Yésus ngan selem-selem ke' réh juk mematai Éh.

LUKAS 20:19

La'ah irah guru éh nebaraa' tong sohoo' lem Surat Musa ngan irah pengeja'au imam, tioo pelapah réh juk ngamit Yésus uban réh jam ha' tapan Néh tong lakei' éh pu'un pulah agun nah, ha' Néh maneu' irah ke' éh. Bang bé' réh omok ngamit Éh uban réh medai kelunan pinaa' nah.

YOHANES 11:57

Pengeja'au-pengeja'au imam ngan irah Parisi péh, pu'un réh nyohoo' kelunan hun séé'-séé' jam semah Yésus mokoo', jian réh tuai bara' éh dokoo' réh omok tai ngamit Éh.

PENGANEU' LAWAH 4:27

Hun iteu' pu'un éh kenat mu'un tong leboo' iteu', uban Herodis ngan Pontius Pilatus ngan kelunan Yahudi ngan kelunan éh tengéé' pohoo', petipun ke' réh ngelawan Yésus, Anak Ko' éh ni'ai, éh kevéléé' Ko' ke' Néh pepurip kekat kelunan.