LUKAS 22:19 - Rengah Jian

¹⁹ La'o inah Iah alaa' roti ngan bara' jian kenin ngan Allah ngan Iah memutui éh ke' Néh mena' éh ngan réh, ka' ha' Néh, Iteu' néh seleket usah Ké' éh nena' Ké' ngeliwah ka'ah, jian keh kuman éh jalan keh petesen kenin keh tong Akeu', ha' Néh.

LUKAS 22:19 Iomraidhean Croise

MATIUS 14:19

Boh éh nyohoo' irah pinaa' nah menyun, ngan Iah alaa' lemah roti ngan duah seluang iri' ngan Iah kepuh tai langit sebayang bara' jian kenin tong ka'an inah. La'o inah Iah mutip éh ke' néh mena' éh ngan irah bakéh néh, boh irah petulat éh ngan irah pinaa' nah.

MATIUS 15:36

Boh éh alaa' tujuu' roti inah ngan seluang nah, inah Iah sebayang bara' jian kenin ngan Allah, la'o inah Iah mutip éh ke' néh mena' éh ngan irah bakéh néh, irah bakéh néh petulat éh ngan irah pinaa' nah.

LUKAS 22:17

La'o inah boh Yésus alaa' sawan baa' ngan bara' jian kenin ngan Allah. Ka' ha' Néh ngan réh, Jian keteleu' alaa' baa' iteu' ngan petulat éh belah ka'ah ke',

LUKAS 22:20

Kenat péh la'o réh kuman, inah Iah mena' baa' ngan réh, Ka' ha' néh ngan réh, Baa' iteu', inah éh seleket dahaa' Ké' éh juk nena' Ké' ngeliwah ka'ah, éh dahaa' Ké' éh maneu' jajii' maréng neu' Tuhan ngan kekat kelunan.

LUKAS 24:30

Tovoo' réh kuman Yésus alaa' ka'an ngan sebayang, boh Éh memutui ka'an inah ke' Néh tioo mena' éh ngan roh.

YOHANES 6:23

Pu'un alut kepéh sinah éh déhéé' tana' jalan kelunan pinaa' nah kuman hun Yésus sebayang bara' jian kenin ngan Allah rai, bang alut inah anah kelunan éh jah, éh tuai jin leboo' Tiberias.

YOHANES 6:51

Akeu' iteu' ka'an éh purip kelunan, éh tuai jin seruga, séé'-séé' éh kuman ka'an iteu' omok éh murip pelinguh. La'ah ka'an éh juk nena' Ké' ngan néh, inah éh usah Ké', éh juk nena' Ké' dokoo' Ké' purip kekat kelunan pah tipo tana', ha' Yésus ngan réh.

1 KORINTUS 10:16

Baa' éh nesep lu' tong penguman éh sohoo' Tuhan éh jalan Tuhan mena' pengejian Néh tong néh ngan éh nalaa' lu', uleu' mesep éh ngan bara' jian kenin ngan Néh. Neu' lu' mesep éh, inah lu' pepoléng lu' pu'un pemung ngan Kristus lem pengematai Néh. Kenat péh tong roti éh nutip lu', hun lu' kuman éh, inah lu' pepoléng lu' pu'un pemung ngan Kristus lem usah Néh.

1 KORINTUS 10:4

ngan mesep baa' éh musit jin bateu' éh nipok Musa rai, bé' Tuhan jian kenin ngan réh. Bateu' éh jalan baa' musit nah, ha' tapan tong Kristus.

GALATIA 1:4

La'ah pu'un Kristus mena' urip Néh uban penyala' lu' kivu pengeloo' Tamen Néh Allah, dokoo' Néh ngelepu lu' jin urip lu' éh sa'at tong tana' iteu'.

GALATIA 4:25

La'ah Hagar nah ha' tapan kepéh tong Yérusalem éh leboo' Yahudi, éh keripen pemung ngan kekat irah éh pohoo' néh inah.

ÉPESUS 5:2

Dalem kekat urip keh jian keh maneu' éh ngan pepika, pekua' Kristus pika uleu' ngan mena' urip Néh ngeliwah lu'. Iah mena' usah Néh penatai réh, ke' Néh ngeliwah lu', inah jalan éh ngepayoo' kenin Allah, barei' ka'an éh penatai irah sioo' sahau, ke' réh mena' éh ngan Tuhan rai.

1 TESALONIKA 5:18

Bang tekep ka'ah bara' jian kenin dalem kekat ineu'-ineu' péh, uban inah éh pengeloo' Allah jin ka'ah kelunan éh murip pemung ngan Kristus Yésus.

TITUS 2:14

Pu'un éh mena' urip Néh ngeliwah uleu', dokoo' Néh ngelepu lu' jin kekat arong kesa'at, mohéé uleu' ngan maneu' uleu' anah nah awah, kenat péh mihin uleu' mekat maneu' jian.

1 PÉTERUS 2:24

Kristus tengéé' tagong penyala' uleu' usah Néh tong kayeu' salib, dokoo' uleu' pelepu jin penyukat penyala', ngan murip kivu pengeloo' Allah. Kekat suhat Kristus nah éh peka'o keh.