LUKAS 21:8 - Rengah Jian

⁸ Ka' ha' Yésus kepéh, Jian keh seruh jian-jian dai kelunan petawang keh, uban pinaa' kelunan éh pu'un tuai dalem ngaran Ké' éh bara' ka', Akeu' néh Tuhan, ngan ka' ha' réh kepéh, Jaka' néh lepah avéé', ha' réh. Bang hun réh pu'un pané kenat, mai keh kivu réh.

LUKAS 21:8 Iomraidhean Croise

MATIUS 24:11

Tovoo' inah pinaa' nabi éh kenyo juk tuai éh ngelavo' kelunan, éh bara' iah sohoo' Tuhan, bang bé' réh sohoo' Tuhan. Inah irah petawang kelunan pinaa'.

MATIUS 3:2

Ka' ha' néh ngan réh, Jian keh piso jin penyala' keh uban lepah danii' jaka' Allah Pengeja'au, ha' néh.

MATIUS 4:17

Jin la'o Yésus tai leboo' Kapernaum, inah éh bu'un néh maneu' kereja' néh éh nebaraa' kelunan. Ka' ha' néh, Piso keh jin penyala' keh, uban jaka' Allah Pengeja'au lepah danii', ha' néh.

LUKAS 17:23

Adang pu'un kelunan bara' ka' ngan keh, Sitai Tuhan Pengeja'au réh, ha' réh. Ha' réh kepéh, O siteu' éh pu'un, ha' réh. Bang mai keh menéng ngan kivu ha' réh kenat.

LUKAS 21:7

Boh irah neteng éh kepéh, ka' ha' réh, Kineu' kelebéé' la'ah ke' néh kenat da'? Kineu' éh telana' néh hun néh lepah danii' da', ha' réh.

LUKAS 21:9

La'ah hun keh menéng rengah kelunan pekayau, ngan rengah kelunan pesakat ngan maneu' irah éh pohoo' nah ke', jian keh nesen, adang kekat éh inah avéé' tenah, bang bé' jak éh inah éh ga' néh, ha' Néh.

YOHANES 5:43

Pu'un Ku' tuai kivu sohoo' Tamen Ké', bang bé' keh keloo' alaa' Ku'. Kelunan éh jah éh pu'un tuai kivu kenin néh tengéé', pu'un keh alaa' réh.

YOHANES 8:24

Kenat péh Akeu' bara' ngan keh ri', adang ka'ah matai lem penyala' keh awah, ngan hun keh bé' ngelan Akeu' pu'un jin Allah, adang keh matai lem penyala' keh awah, ha' Néh.

YOHANES 8:28

Boh Yésus bara' ngan réh kepéh, ka' ha' Néh, La'o keh metéé' Anak Kelunan tong salib, boh keh pu'un jam adang Akeu' pu'un tuai jin Allah, boh keh pu'un jam bé' Akeu' maneu' ineu'-ineu' kivu kenin Ké' tengéé', bang pu'un Ku' bara' kekat-kekat éh benara' Tamen Ké' ngan Ké'.

1 KORINTUS 6:9

Adang keh jam kelunan éh sa'at barék bé' omok tai tong nihau Allah. Mai keh tawang, kelunan éh sa'at barék ngan petuyang, ngan kelunan éh pakai butun, ngan lakei' éh petuyang ngan lakei',

ÉPESUS 5:6

Mai keh kejeraa' séé'-séé' péh pané ngelavo' keh, uban inah omok pesavéé' kemerek Allah neu' réh bé' tigéh kivu sohoo' Néh.

2 TESALONIKA 2:3

Bang mai keh lavo' neu' ha' réh pané kenat ngan keh. Uban dau inah bé' omok avéé' jak pah avéé' hun kelunan pinaa' éh ngelayoo' bara' réh ngelan tong Tuhan pu'un petat ngan ngelawan Tuhan mu'un, ngan pu'un jah kelunan éh sa'at pu'un poléng éh juk kenukum Allah tai tong luten meraka.

2 TIMOTIUS 3:13

Kelunan sa'at ngan éh ngelavo' adang makin sa'at kepéh, Irah ngelavo' kelunan éh jah, semu'un néh irah tengéé' péh pu'un kelavo'.

1 YOHANES 4:1

O kekat padéé' ké' éh kemurung ké', mai keh ulak ngelan ha' kelunan éh bara' iah pu'un Sahéé' Ni'ai, jian keh ngelenaa' réh dokoo' keh omok jam éh hun sahéé' inah pu'un jin Allah ngan hun néh bé' péh. Uban pinaa' kelunan éh ngelavo' lepah tai semah-semah péh.

2 YOHANES 1:7

Uban pinaa' kelunan éh ngelavo' lepah tai pah tipo tana'. Bé' irah keloo' bara' Yésus Kristus pu'un tuai tong tana' ngan paléu kelunan. Kelunan éh kenat ngelavo' awah ngan ayau Kristus.

ÉH POLÉNG 1:3

Murung kenin irah éh purung surat iteu' ngan sidang. Murung kenin irah éh menéng ha' éh benara' iteu' ngan éh tigéh kivu tong ineu' éh senurat dalem surat iteu', uban bé' lebéé' la'ah kekat iteu' adang juk pu'un kenat mu'un.

ÉH POLÉNG 12:9

Berungan ja'au nah nebet jin seruga. Inah éh torok éh sahau éh ngaran néh Iblis ngan Sitan, éh ngelavo' kekat kelunan pah tipo tana'. Iah pu'un nebet tai tana' pemung ngan kekat meliket néh.