LUKAS 21:37 - Rengah Jian

³⁷ Sioo' inah péh Yésus nebaraa' réh lem Umaa' Allah ngan siget merem pu'un éh tai tokong Saitun.

LUKAS 21:37 Iomraidhean Croise

MATIUS 21:1

La'ah hun Yésus ngan irah pinaa' nah éh kivu éh avéé' danii' tong leboo' Yérusalem, inah éh hun réh avéé' tong leboo' Betpage éh déhéé' tokong Saitun, Yésus nyohoo' duah bakéh néh lakau tenah.

MATIUS 21:17

La'o inah Yésus musit jin Umaa' Allah lakau jin Yérusalem tai leboo' Betania, sinah éh mokoo' merem inah.

MATIUS 26:30

Boh réh nyanyi, la'o réh nyanyi tai réh tong tokong Saitun.

MATIUS 26:55

Boh Yésus pané ngan irah pinaa' nah, ka' ha' néh, Kineu' ka'ah tuai ketem po'é ngan pipok, barei' keh juk ngamit kelunan éh maneu' sa'at mu'un? Siget dau Akeu' pu'un ngan keh tong Umaa' Allah ngan nebaraa' keh, bé' keh ngamit Akeu'.

MARKUS 11:12

Barei' sagam tovoo' réh lakau jin leboo' Betania moléé' kepéh tai Yérusalem, Yésus pu'un la'au'.

MARKUS 11:19

Dau tahup Yésus ngan irah bakéh Néh lakau jin leboo' Yérusalem.

MARKUS 14:49

Siget-siget dau Ku' pu'un ngan keh tong Umaa' Allah ngan nebaraa' keh, ngan bé' keh ngamit Akeu'. Bang adang kekat ha' lem surat Allah juk avéé' béé, ha' Néh ngan réh.

LUKAS 19:29

Avéé' réh déhéé' leboo' Betpage ngan leboo' Betania tong tapak tokong Saitun nah, sinah Yésus nyohoo' duah usah bakéh Néh lakau tenah.

LUKAS 19:37

Avéé' réh déhéé' Yérusalem boh réh rahoo' keluat tai Yérusalem, boh kekat kelunan pinaa' nah betéé' kenin murung mu'un-mu'un, ngelahap réh mejing Allah. Murung kenin réh uban kekat penganeu' Tuhan nah pu'un éh ta'an réh tenéh.

LUKAS 19:47

Siget-siget dau Yésus nebaraa' kelunan lem Umaa' Allah inah. Irah pengeja'au imam ngan irah guru éh nebaraa' tong sohoo' lem Surat Musa ngan irah Kemiti Yahudi, irah keloo' mu'un-mu'un mematai Yésus,

LUKAS 22:39

La'o inah Yésus musit jin lamin éh jalan Néh kuman Dau Ja'au nah, ke' Néh tai tokong Saitun barei' kemalai Néh, ngan irah bakéh Néh pu'un kivu Éh.

YOHANES 12:1

Nem dau teka irah maneu' Dau Ja'au Paska, tai Yésus mokoo' tong leboo' Betania éh leboo' Laserus éh lepah pebetéé' Néh jin patai néh rai.

YOHANES 18:2

La'ah Yudas, kelunan éh memalo Éh nah, iah péh jam retek pulah inah, uban pinaa' koléé' Yésus tai sinah ngan irah bakéh Néh.

PENGANEU' LAWAH 1:12

La'o inah irah lawah Yésus moléé' jin tokong Saitun tai leboo' Yérusalem nah. Tokong inah pedanii' tong Yérusalem, kejuu' néh, bé' piso maten dau réh lakau belah néh.