LUKAS 21:34 - Rengah Jian

³⁴ Ka' ha' Yésus kepéh, Seruh keh jian-jian, mai keh telalau kuman nyahan mesep pah avéé' keh mavuk, ngan mai keh taleu neu' penusah éh pu'un tong tana', dai Tuhan beleka' avéé' lem keh bé' nerepan éh.

LUKAS 21:34 Iomraidhean Croise

MATIUS 13:22

Sin tong lo'ong éh pelohoo' lem suha', inah éh barei' kelunan éh menéng rengah nah, bang neu' réh kawa' neu' urip réh tong tana', ngan neu' réh pitah pengekaya', inah éh maneu' rengah inah ngerising lem kenin réh, bé' réh omok ngebuaa'.

MARKUS 13:9

Mavaa' keh jian-jian, adang pu'un kelunan ngamit keh ngan mihin keh tai besara'. Adang réh pu'un mipok keh tong lamin sebayang, ngan mihin keh tai tong jumen kelunan éh ja'au ngan irah raja' péh uban keh ngelan tong Akeu', inah kepéh, dokoo' keh omok bara' Rengah Jian ngan réh.

MARKUS 4:19

Bang neu' réh ngelayau seruh ngan mihau kekat urip tong tana' iteu', magat tong pengekaya' ngan magat ineu' ineu' péh, inah éh maneu' ha' tebaraa' inah ngerising lem kenin réh, bé' éh omok jian.

LUKAS 10:41

Ha' Tuhan mipa éh, Marta, Marta, tusah mu'un kenin ko' ngan mutau ke' neu' kereja' ko' pinaa' nah,

LUKAS 12:40

Uban néh kenat jian ka'ah petenup kenin keh tenah, uban adang Anak Kelunan pu'un tuai, barang belah kenin ka'ah bé' seruh Éh tuai péh, boh Éh pu'un beleka' tuai, ha' Yésus.

LUKAS 17:3

Mavaa' keh jian-jian. Hun padéé' ko' maneu' penyala', jian ke' tai meta' éh, hun néh pekoléé' kenin, jian ke' mega' penyala' néh.

LUKAS 21:35

Uban dau savéé' Tuhan pu'un éh pekua' ka'an éh teneng tong viheu'.

LUKAS 21:8

Ka' ha' Yésus kepéh, Jian keh seruh jian-jian dai kelunan petawang keh, uban pinaa' kelunan éh pu'un tuai dalem ngaran Ké' éh bara' ka', Akeu' néh Tuhan, ngan ka' ha' réh kepéh, Jaka' néh lepah avéé', ha' réh. Bang hun réh pu'un pané kenat, mai keh kivu réh.

LUKAS 8:14

Tulin éh pelohoo' tong suha' nah, inah kepéh kelunan éh lepah menéng ha' tebaraa' Tuhan, neu' kekat penusah réh, neu' réh pitah pengekaya' ngan urip éh jian tong tana' awah, inah éh maneu' ha' tebaraa' inah ngerising lem kenin réh, bé' buaa' réh omok pinaa'.

1 KORINTUS 5:11

Bang tong ha' ké' rai, akeu' nyurat meta' keh pebakéh ngan kelunan éh bara' iah jah padéé' dalem Tuhan, bang barék néh sa'at ngan petuyang, ngan magat juk alaa' mekum, ngan pakai butun, ngan ngesa'at ngaran irah éh jah, ngan mavuk ngan nekau péh. Éh mu'un néh bé' tekep keh kuman ngan kelunan éh kenat.

1 KORINTUS 6:10

ngan kelunan nekau, ngan kelunan éh magat juk alaa' mekum, ngan kelunan mavuk, ngan kelunan éh pesala' kelunan éh jah, ngan kelunan éh ngelapah sohoo', kekat irah éh maneu' kenat bé' omok alaa' Allah pengeja'au réh ngan tai lem nihau Néh.

GALATIA 5:20

Pu'un réh maneu' butun ngan ngelimu', pepaneu' péh, tengéé' kenin ngan sa'at kenin ngan kelunan éh jah, pepihet, merek ngan bau-bau kenin. Pu'un réh petengéé' usah réh jin kelunan éh jah,

PILIPI 4:6

Mai ka'ah besau kenin seruh tong ineu'-ineu', bang dalem kekat néh béé jian keh sebayang bara' éh ngan Allah. Siget koléé' keh menyat jin Iah, jian keh menyat ngan bara' jian kenin ngan Néh kepéh.

IBRANI 12:15

Mavaa' keh dai pu'un kelunan bet Allah éh na' penika Néh ngan lu'. Mai pu'un séé'-séé' péh éh barei' pulah éh petuh, éh maneu' pinaa' penusah ngan éh ngesa'at kelunan palaa' katah néh.

2 PÉTERUS 3:10

Bang Dau savéé' Tuhan inah, iah tioo pu'un avéé' barei' kelunan éh nekau. Tovoo' Dau inah langit pu'un béé pemung ngan ha' éh ja'au mu'un, ngan kekat éh tong langit péh pu'un potong béé. La'ah tana' iteu' ngan kekat éh pu'un tong néh juk salai béé.

2 PÉTERUS 3:14

Uban néh kenat, O kekat padéé' éh kemurung ké', kelebéé' keh mena Dau inah avéé', jian keh mekat dokoo' keh pu'un ni'ai ngan bé' pu'un sala' ineu'-ineu' tong jumen Allah.

ÉH POLÉNG 3:3

Jian ke' nesen tong ineu' éh lepah benara' ngan ko' ngan ineu' éh lepah nenéng ko'. Jian ke' kivu éh béé ngan pekoléé' kenin jin penyala' ko'. Hun ko' bé' to'ot, Akeu' juk tuai tavin ke' barei' kelunan nekau ngan ka'au' bé' omok jam jaka' ké' pu'un tuai.