LUKAS 21:28 - Rengah Jian

²⁸ Hun kekat penusah inah pu'un, jian keh nekedéng ngan nerepan uban savéé' Tuhan danii' mu'un, ha' Yésus.

LUKAS 21:28 Iomraidhean Croise

LUKAS 13:11

Tong lamin sebayang inah pu'un jah redo éh nasek balei', naneu' balei' inah pu'un éh sakit jah poloo' ayah ta'un kelebéé' néh tenéh, nerekung sohot néh, bé' éh omok nekedéng pejek.

LUKAS 18:7

kineu' Tuhan, bé' Tuhan keloo' nolong kelunan éh kivu pengeloo' Néh éh sebayang putung dau ngan putung merem péh. Kineu', leko Éh nolong réh.

LUKAS 21:29

Boh Yésus bara' jah ha' tapan ngan réh, ka' ha' Néh, Seruh keh tong ha' tapan tong inan ara ngan kekat arong inan buaa' éh jah kepéh.

SURAT PAULUS NGAN SIDANG RUM 8:19

Kekat arong penyuai Tuhan mena hun mah savéé' dau Tuhan ke' Néh pepoléng irah éh anak Néh mu'un.

SURAT PAULUS NGAN SIDANG RUM 8:23

Bé' makat éh kekat arong penyuai Néh awah éh ngerahéng kenat, bang pah avéé' uleu' kelunan éh pu'un Sahéé' Ni'ai éh tenah nena' Allah jin kekat pengena' Néh éh jah ngan uleu', uleu' péh pu'un barei' okoo' ngerahéng dalem kenin lu' kelebéé' lu' mena Tuhan maneu' lu' anak Néh mu'un ngan ngelepu lu' jin ukum.

ÉPESUS 1:14

Uban Allah mena' Sahéé' Ni'ai ngan uleu', inah telana' adang lu' omok alaa' kekat éh pejajii' Néh ngan uleu' éh anah nah, ngan inah kepéh telana' adang Tuhan juk ngelepu uleu' jin kekat kesa'at ngan penyala' lu'. Uban néh kenat jian uleu' mejing Allah éh Matek Maren.

ÉPESUS 4:30

Mai keh petusah Sahéé' Allah éh Sahéé' Ni'ai, uban Sahéé' inah, Iah éh telana' ka'ah anah Allah, uban pu'un jah dau vam, Tuhan juk ngelepu lu' jin usah lu' éh sa'at iteu' kepéh.