LUKAS 21:19 - Rengah Jian

¹⁹ Jian keh ngereken kenin keh, boh keh omok alaa' urip pelinguh, ha' Néh.

LUKAS 21:19 Iomraidhean Croise

MATIUS 10:22

La'ah adang ka'ah keleko kekat kelunan pinaa' uban pengelan keh tong Akeu', bang séé' éh ngeretep pah avéé' ga' néh iah omok alaa' urip.

MATIUS 24:13

Bang séé'-séé' éh ngeretep pah avéé' ga' néh iah omok alaa' urip.

LUKAS 8:15

Tulin éh pelohoo' tong tana' jian nah, inah éh kelunan éh lepah menéng ha' tebaraa' Tuhan ngan mihau éh mu'un lem kenin réh ngan kivu éh kepéh, pah avéé' réh ngebuaa' kepéh, ha' Yésus ngan réh.

SURAT PAULUS NGAN SIDANG RUM 15:4

La'ah kekat ha' lem surat Allah pu'un éh senurat dokoo' nebaraa' uleu', dokoo' uleu' omok ngelan ngan alaa' kebit kenin ngan alaa' pengepapung kenin neu' ha' tebaraa' inah.

SURAT PAULUS NGAN SIDANG RUM 2:7

Irah kelunan éh ngelayau maneu' jian, éh pitah jalan ke' réh omok pemung ngan Allah ngan mejing Éh, ngan ngajung Éh ngan éh pitah urip éh pelinguh, ngan kelunan éh kenat, adang Allah mena' urip pelinguh ngan réh.

SURAT PAULUS NGAN SIDANG RUM 5:3

Kenat péh uleu' murung kenin dalem kekat penusah lu', uban uleu' jam kekat penusah inah, inah éh mihin uleu' omok ngeretep ngan kebit kenin,

SURAT PAULUS NGAN SIDANG RUM 5:4

ngan hun lu' ngeretep ngan kebit kenin kenat, inah mihin lu' reken kenin ngan sukup mu'un kenin, ngan hun néh pu'un kenat petem kenin lu' ngelan adang uleu' omok tai pemung ngan Allah.

SURAT PAULUS NGAN SIDANG RUM 8:25

Na' péh bé' pu'un ineu'-ineu' éh ta'an lu' hun iteu', ngan kebit kenin lu' mena pah avéé' dau lu' omok tai pemung ngan Tuhan.

1 TESALONIKA 1:3

Hun mah améé' sebayang tong jumen Allah éh Tamen lu', ngelayau améé' seruh tong kekat kereja' keh ngan pengelan keh tong Tuhan, ngan tong keh kereja' muruh naneu' penika keh ngan Tuhan, ngan tong keh ngelan mu'un adang Tuhan Yésus Kristus juk tuai kepéh.

2 TESALONIKA 3:5

La'ah jian Tuhan mukap kenin keh dokoo' keh omok jam mu'un tong penika Allah ngan keh ngan tong pengebit kenin Kristus.

IBRANI 10:36

Jian keh kebit kenin dokoo' keh omok maneu' pengeloo' Allah, boh keh omok alaa' kekat éh pejajii' Néh.

IBRANI 6:11

Améé' keloo' dokoo' siget usah jin belah ka'ah petem tigéh pah avéé' ga', dokoo' kekat ineu' ineu' éh kepelum keh omok nalaa' keh.

IBRANI 6:15

Abraham kebit kenin. Uban kenat Iah alaa' ineu' éh lepah pejajii' Allah ngan néh.

YAKUB 1:3

Uban neu' pengelan keh, inah éh maneu' keh omok ngeretep, ngan mihin keh kebit kenin kepéh.

YAKUB 1:4

Tong éh kebit kenin inah, jian éh pepit, pah avéé' ka'ah pu'un sukup mu'un ngan bé' pu'un pengekurang ineu'-ineu' péh.

2 PÉTERUS 1:6

Kenat kepéh ka'ah tekep mihau usah keh ngeretep kenin tovoo' keh teneng tong ineu'-ineu' péh ngan ka'ah tekep murip ni'ai.

ÉH POLÉNG 1:9

La'ah akeu' éh padéé' keh Yohanes, ngan barei' ka'ah jam keta pemung ngan Yésus, akeu' péh barei' ka'ah lem kekat pengeketa iteu', pu'un lem nihau Tuhan, ngan ngeretep ngan kebit kenin. Pu'un réh marau akeu' tai Pulau Patmos uban ké' bara' ha' tebaraa' Allah ngan bara' tong kekat éh kejam ké' tong Yésus.

ÉH POLÉNG 13:10

Séé'-séé' éh tekep narau réh, adang iah pu'un narau réh kenat. Séé'-séé' éh tekep penatai réh palaa' po'é adang néh penatai réh kenat. Uban néh kenat irah éh anah Allah tekep ngeretep, kebit kenin ngan tigéh tong Kristus.

ÉH POLÉNG 14:12

Inah maneu' irah éh anah Allah éh tigéh kivu sohoo' Néh ngan tigéh tong Yésus tekep kebit kenin.

ÉH POLÉNG 3:10

Uban ko' kivu sohoo' Ké' ngan pu'un ngeretep ngan kebit kenin, Akeu' juk mihau ke' jin kekat penusah éh juk avéé' tong tana' iteu' ke' néh tupat kenin kekat kelunan pah tipo tana'.