LUKAS 20:16 - Rengah Jian

¹⁶ Adang néh mematai réh uban réh sa'at, ngan tebai kelunan éh jah kepéh mihau pulah inah, ha' Yésus. Hun réh menéng ha' Yésus pané kenat, pu'un réh bara' ka', mai pu'un éh kenat da' ha' réh.

LUKAS 20:16 Iomraidhean Croise

MATIUS 21:34

Tovoo' pulah inah bu'an, iah nyohoo' kelunan sohoo' néh tai tavin irah éh mihau pulah nah dokoo' néh omok alaa' tulat agun nah.

MATIUS 21:41

Ha' réh mipa éh, Adang néh mematai réh da' uban réh sa'at, boh éh tebai kelunan éh jah kepéh mihau pulah inah. Irah éh maréng tenebai néh nah, adang réh keloo' mena' tulat buaa' ngan néh sioo' néh pu'un buaa', ha' réh.

MATIUS 22:7

Merek mu'un raja' nah, inah iah nyohoo' seradu néh tai mematai ngan motong leboo' kelunan éh mematai kelunan sohoo' néh.

MARKUS 12:9

Ka' ha' Yésus kepéh, Hun réh mematai anak néh nah, kineu' kenin lakei' ja'au nah tong irah éh mihau pulah nah. Adang iah pu'un tuai ngan mematai kekat irah éh kereja' pegaji' nah dat, ngan tebai kelunan éh jah kepéh mihau pulah néh inah dat.

LUKAS 19:27

Inah la'ah tong irah ayau ké' rai éh bé' keloo' Akeu' pu'un pengeja'au réh, jian keh mihin réh tuai ngan mematai réh tong jumen ké' siteu', ha' néh ngan réh.

LUKAS 20:15

Inah irah alaa' éh ke' réh bet éh jin pulah inah ngan mematai éh, ha' Yésus ngan réh. Ka' ha' Yésus kepéh, Hun réh maneu' éh kenat, kineu' kenin lakei' éh pu'un pulah inah tong irah éh mihau pulah nah.

PENGANEU' LAWAH 13:46

Bang Paulus ngan Barnabas makang kenin nebaraa' réh, ka' ha' roh, Tekep ha' tebaraa' Tuhan pu'un benara' mé' ngan keh tenah. Bang uban keh pu'un bet éh awah, seleket keh bara' bé' keh keloo' alaa' urip éh pelinguh, inah améé' juk piso jin keh tai nebaraa' kelunan éh tengéé' pohoo' kepéh.

SURAT PAULUS NGAN SIDANG RUM 11:1

La'ah akeu' neteng kepéh, kineu' Allah, nebet Néh awah kelunan Israel éh kevéléé' Néh rai? Bé' Iah bet irah. Akeu' péh jah kelunan pohoo' Israel, akeu' pu'un jin betah Benyamin éh ayam Abraham.

SURAT PAULUS NGAN SIDANG RUM 11:11

Akeu' juk neteng kepéh, Hun irah Yahudi tekaleu' rai, kineu' réh, pu'un réh pegup pah avéé' réh bé' omok betéé' nekedéng kepéh? Bé' éh kenat. Bang neu' penyala' irah Yahudi bé' ngelan tong Tuhan, inah pesavéé' urip ngan kelunan éh tengéé' pohoo', dokoo' peki'ah irah Yahudi ngan pebetéé' kenin réh ke' réh tavin Tuhan kepéh.

SURAT PAULUS NGAN SIDANG RUM 3:31

Hun néh kenat kineu' lu' da', tekep lu' bet Surat Musa ngan ngelan tong Yésus awah. Bé' makat lu' tekep bet éh, tekep lu' mihau kekat tebaraa' inah pemung ngan pengelan lu' tong Yésus.

SURAT PAULUS NGAN SIDANG RUM 3:4

Adang Allah bé' ngepaléu kenin Néh Iah pu'un tigéh, na' péh kekat kelunan kenyo awah bé' Iah omok kenyo. Barei' ha' lem Surat Allah bara' tong Iah, ka' éh, Hun Ko' pané, kekat kelunan jam Ké' pu'un pané teneng, bé' pu'un ineu'-ineu' ke' réh omok pesala' Ké adang ko' pu'un menang.

SURAT PAULUS NGAN SIDANG RUM 3:6

Adang Allah bé' sala'. Hun Allah bé' teneng ngukum kelunan éh maneu' penyala', kineu' jalan Néh omok petuneng kekat kelunan pah tipo tana'?

SURAT PAULUS NGAN SIDANG RUM 6:15

Uban hun iteu' uleu' pu'un murip lem penika Allah, bé' uleu' pu'un murip lem penyukat ukum kepéh, hun néh kenat, kineu', tekep lu' maneu' penyala' kepéh, adang lu' bé' tekep maneu' éh.

SURAT PAULUS NGAN SIDANG RUM 6:2

Adang uleu' bé' tekep maneu' kenat kepéh. Uban penyala' bé' pu'un penyukat tong uleu' uban uleu' lepah matai tong penyala' ngan lepah piso jin penyala', bé' lu' juk murip petem maneu' penyala' la'ah.

SURAT PAULUS NGAN SIDANG RUM 7:13

Kekat sohoo' lem Surat Musa pu'un éh jian. Hun néh kenat, kineu éh? Éh jian nah mihin ku' matai? Bé' éh jian nah mihin ku' matai, bang penyala' nah éh. Uban pu'un Surat Musa pepoléng penyala' nah pelapah sa'at mu'un.

SURAT PAULUS NGAN SIDANG RUM 7:7

Hun néh kenat, kineu' ha' lu' tong Surat Musa, tekep lu' bara' éh sala', adang éh bé' sala'. Uban neu' kekat ha' Tuhan lem Surat Musa, inah jalan ké' nesen tong kesa'at penyala', uban hun néh usah ké' tengéé', bé' akeu' jam akeu' pu'un magat tong kesa'at, bang uban ha' lem Surat Musa bara', Mai keh magat tong kesa'at, inah jalan ké' nesen akeu' pu'un éh kenat.

SURAT PAULUS NGAN SIDANG RUM 9:14

Hun Allah ngevéléé' jelua' awah kelunan nah, kineu', tekep lu' bara' Allah netah kenin? Bé' éh netah kenin.

1 KORINTUS 6:15

Ka'ah jam usah keh iteu' usah Kristus. Kineu', tekep ku' alaa' jebila' usah Kristus ngan maneu' éh usah redo éh petuyang? Bé'. Bé' omok.

GALATIA 2:17

Bang kineu' améé' Yahudi, hun mé' pitah jalan ke' mé' omok ngepayoo' kenin Allah boh mé' nesen, bé' mé' tengéé' jin irah éh pohoo' éh jah, améé' péh kelunan penyala' barei' irah éh tengéé'pohoo', seruh keh, séé' éh maneu' mé' sala'? Kineu', pu'un keh seruh Kristus éh maneu' mé' sala'? Adang bé'.

GALATIA 3:21

Hun néh kenat, kineu', Surat Musa nah pekelawan ngan jajii' Allah éh? Bé' éh kenat. Uban hun néh pu'un jah sohoo' éh omok pepurip kelunan, boh irah pu'un jian kepéh ngan Allah neu' sohoo' inah.

GALATIA 6:14

Bang tong akeu', jah awah éh juk kenajung ké', inah éh tong pengematai Tuhan lu' Yésus Kristus. Uban neu' Néh matai tong kayeu' salib, kekat-kekat éh tong tana' iteu' tuyah-tuyah awah ngan ké'. Akeu' péh seleket matai ngan kekat-kekat éh pu'un tong tana'.