LUKAS 2:9 - Rengah Jian

⁹ Tioo pu'un jah meliket Tuhan poléng tong ta'an réh ngan pengaren Tuhan nawa tutuh réh. Medai lah réh,

LUKAS 2:9 Iomraidhean Croise

MATIUS 1:20

Lem néh seruh kenat, inah jah meliket Tuhan poléng ta'an néh lem nyupin néh, ngan meliket nah bara' ngan néh, ha' néh, O Yusup, éh jin pohoo' Daud, mai ke' medai alaa' Meriam nah do ko', uban temaléé' néh nah bé' éh neu' kelunan bang neu' penyukat jin Sahéé' Ni'ai.

LUKAS 1:28

Inah meliket nah tai tavin éh, ha' néh, Jian ke' murung kenin, Tuhan pu'un ngan ko' ngan pu'un éh ngevéléé' ke', ha' néh.

LUKAS 2:8

Tovoo' merem inah pu'un kelunan mokoo' tong tana' mavaa' domba.

LUKAS 24:4

Nekedéng réh sinah ngan bé' réh jam seruh éh kenat, boh réh ulak na'at duah usah nekedéng déhéé' réh éh pu'un pakai mening mu'un.

YOHANES 12:41

Pu'un Yesaya pané kenat uban néh na'at tong pengaren Yésus ngan pu'un éh bara' tong Yésus.

PENGANEU' LAWAH 12:7

Tioo pu'un jah meliket Tuhan nekedéng sinah, ngan rema peséng lem lamin inah. La'ah meliket inah tepap tong pa'an Péterus ke' néh peto'ot éh, ka' ha' meliket nah, Rigah ke' to'ot, ha' Néh. Tioo pega' ratai jin ojoo' Péterus.

PENGANEU' LAWAH 27:23

Uban tovoo' merem ni'ei' ri', pu'un jah meliket éh tuai jin Allah nekedéng déhéé' ké', Allah inah éh mihau akeu' ngan inah éh seneva' ké'.

PENGANEU' LAWAH 5:19

Bang tovoo' merem inah jah meliket Tuhan mukap tapé lamin tutup ke' néh mihin roh musit. Ka' ha' néh ngan roh,

2 KORINTUS 3:18

La'ah uleu' béé pepoléng pengaren Tuhan palaa' da'in lu' éh bé' pu'un mekep, uban pengaren inah tuai jin Tuhan, neu' Sahéé' Ni'ai éh ngepaléu uleu' omok pekua' Iah dalem pengaren Néh éh pelapah ja'au.

2 KORINTUS 4:6

Uban Allah éh lepah bara', Jian rema ngada jin merem, Iah ke' éh ngada dalem kenin uleu' kepéh, dokoo' Néh mihin lu' tong rema neu' pengejam lu' tong pengaren Allah éh pepoléng Néh ngan lu' neu' Kristus.

1 TIMOTIUS 3:16

Adang sebayang lu' pu'un barei' pelim ngan irah éh bé' jam éh, bang jian mu'un éh, ka' éh, Pu'un Tuhan tuai paléu kelunan, Sahéé' Ni'ai pekelenaa' Iah pu'un teneng, pu'un éh ta'an irah meliket. La'ah Iah éh benara' réh tong siget-siget pohoo', Iah éh kepelum kelunan pah tipo tana', Iah éh netéé' Tamen Néh pemung ngan kemaren Néh, moléé' tai seruga.

IBRANI 12:21

Kekat éh ta'an réh nah ngedai réh mu'un, avéé' Musa péh bara', Medai mu'un ku', riyet ku' medai, ha' néh.

ÉH POLÉNG 18:1

La'o inah ta'an ké' jah meliket kepéh tuai jin seruga. Meliket inah pu'un ja'au penyukat, ngan pengaren néh nawa pah tipo tana'.

ÉH POLÉNG 20:11

La'ah akeu' na'at jah nyun ja'au éh mebéng ngan Iah éh menyun tong néh. Langit ngan tana' piso jin jumen Néh, avéé' néh bé' poléng la'ah.