LUKAS 2:49 - Rengah Jian

⁴⁹ Ha' Yésus mipa éh, Uban ineu' koh tawang pitah Akeu', bé' koh jam adang Akeu' tekep pu'un tong lamin Tamen Ké' kei, ha' Néh.

LUKAS 2:49 Iomraidhean Croise

MATIUS 21:12

La'ah la'o réh avéé' tong leboo' Yérusalem tai Yésus tong Umaa' Allah ke' néh pekelap kelunan éh pebelih sinah. La'ah iah muit mija jalan réh keliwah rigit, kenat péh éh muit nyun irah éh pebelih juhit éh barei' juhit punai.

LUKAS 2:48

Tamen tinen Néh péh béé kenin na'at Éh kenat. Ha' tinen Néh ngan Néh, Nak, uban ineu' Ke' maneu' kenat? Tusah kenin amo tamam pitah Ke' kenat ne', ha' néh ngan Néh.

YOHANES 4:34

La'ah ka' ha' Yésus ngan réh, Penguman éh kunah Ké' nah, inah éh hun Ké' kivu pengeloo' Iah éh nyohoo' Akeu' tuai, ngan hun Ké' ngelapuh kekat kereja' éh sohoo' Néh ngan Ké', ha' Néh.

YOHANES 5:17

Boh Yésus pané kepéh ngan réh, ka' ha' Néh, Tamen Ké' bé' éh posot jin kekat penganeu' Néh, kenat péh Akeu', ha' Néh.

YOHANES 5:36

Bang inah kepéh kekat penganeu' Ké' éh neu' Ké' kivu sohoo' Tamen Ké', kekat inah péh nojoo' Akeu' pu'un jin Allah mu'un. Uban kekat penganeu' Ké' pekelenaa' adang Tamen Ké' Iah éh nyohoo' Ku' tuai, penganeu' Ké' inah pelapah lenaa' éh jin éh benara' Yohanes tong Akeu'.

YOHANES 6:38

Bé' Akeu' tuai jin seruga dokoo' Ké' kivu kenin Ké' tengéé', bang Akeu' tuai dokoo' Ké' kivu sohoo' Iah éh nyohoo' Akeu' tuai rai.

YOHANES 8:29

La'ah Iah éh nyohoo' Ku' tuai, pu'un Éh pemung ngan Ké', ngan bé' Éh bet Ku', uban Ké' ngelayau maneu' kekat pengeloo' Néh, ha' Yésus ngan réh.

YOHANES 9:4

Kelebéé' dau rema jian lu' maneu' kekat sohoo' Iah éh nyohoo' Akeu' tuai, uban hun dau lepah merem, bé' pu'un séé'-séé' éh omok kereja' kepéh.