LUKAS 2:47 - Rengah Jian

⁴⁷ Kekat irah éh menéng ha' néh pané, béé kenin réh uban Néh jam seruh ngan jam mipa ha' réh.

LUKAS 2:47 Iomraidhean Croise

MATIUS 13:54

moléé' tong leboo' néh kepéh. Pu'un éh nebaraa' réh tong lamin sebayang Yahudi, irah éh menéng ha' tebaraa' néh béé kenin réh. Pu'un réh pané belah irah ke', ka' ha' réh, Jin ineu' iah alaa' ha' tebaraa' éh kenat? Kineu' jalan iah jam éh kenat? Kineu' jalan iah omok maneu' telana' éh ja'au kenat, ha' réh.

MATIUS 22:33

Béé kenin irah pinaa' menéng ha' néh pané kenat.

MATIUS 7:28

La'o Yésus bara' kekat tebaraa' inah ngan réh, béé kenin kekat irah éh menéng ha' tebaraa' Néh inah.

MARKUS 1:22

Béé kenin réh menéng ha' tebaraa' Néh, uban bé' Éh barei' irah guru éh nebaraa' tong Surat Musa nah awah, pu'un Éh nebaraa' réh ngan pu'un penyukat.

MARKUS 11:18

La'ah irah pengeja'au imam ngan kekat guru éh nebaraa' tong sohoo' lem Surat Musa, menéng ha' Néh pané kenat, inah irah pitah jalan juk mematai Yésus. Irah Medai tong Yésus uban kekat kelunan melak menéng ha' tebaraa' Néh.

MARKUS 6:2

Tovoo' Dau Posot pu'un Éh nebaraa' réh tong lamin sebayang Yahudi. Pinaa' kelunan pu'un sinah, ngan hun réh menéng ha' tebaraa' néh, béé kenin réh seruh, ka' ha' réh, Jin ineu' Iah alaa' ha' tebaraa' éh kenat? Kineu' jalan iah jam nebaraa' kelunan kenat. Kineu' jalan iah omok maneu' telana' éh ja'au kenat, ha' réh.

LUKAS 2:18

La'ah béé kenin kekat kelunan éh menéng kekat ha' éh benara' kelunan inah ngan réh.

LUKAS 2:46

Tong keteleu' dau boh roh na'at éh tong Umaa' Allah, mokoo' ngan irah guru éh nebaraa' irah Yahudi tong adet réh, ke' Néh menéng ha' réh ngan ke' Néh neteng réh kepéh.

LUKAS 4:22

Kekat kelunan jian kenin réh ngan Néh, béé kenin réh menéng ha' tebaraa' Néh éh jian éh benara' Néh. Boh irah bara' ka', Kineu', bé' énéh anak Yusup, ha' réh.

LUKAS 4:32

Béé kenin réh menéng ha' tebaraa' Néh uban ha' tebaraa' Néh pu'un éh ngan penyukat.

YOHANES 7:15

Béé kenin irah Yahudi, ka' ha' réh, Jin semah kelunan iteu' omok jam tong kekat tebaraa' inah Néh bé' pu'un tai sekulah, ha' réh.

YOHANES 7:46

Ka' ha' irah seradu mipa réh, Jin-jin sahau péh bé' pu'un kelunan éh jam pané barei' kelunan inah, ha' réh.