LUKAS 2:4 - Rengah Jian

⁴ Tovoo' inah Yusup pu'un mokoo' tong leboo' Nasaret éh tong tana' Galilia, boh éh moléé' kepéh tai tana' Yudea tong leboo' Daud, ngaran leboo' inah Bétléhém. Yusup tai sinah uban néh ngepohoo' Daud.

LUKAS 2:4 Iomraidhean Croise

MATIUS 1:20

Lem néh seruh kenat, inah jah meliket Tuhan poléng ta'an néh lem nyupin néh, ngan meliket nah bara' ngan néh, ha' néh, O Yusup, éh jin pohoo' Daud, mai ke' medai alaa' Meriam nah do ko', uban temaléé' néh nah bé' éh neu' kelunan bang neu' penyukat jin Sahéé' Ni'ai.

MATIUS 2:23

Sinah éh mokoo' tong leboo' Nasaret. Iah pu'un tai kenat ke' néh pesukup ha' éh benara' irah nabi ngan kelunan sahau, ka' ha' réh, Irah juk mateng Yésus kelunan jin Nasaret, ha' réh.

LUKAS 2:3

Uban sohoo' Agustus kenat, pesiget betah moléé' tong pohoo' réh bu'un kepéh ke' néh alaa' ngaran néh.

LUKAS 2:5

Iah tai ke' réh nyurat ngaran néh pemung ngan Meriam éh tunang néh, éh nemaléé' nah.

LUKAS 4:16

La'o inah Yésus lakau tai leboo' Nasaret, éh leboo' Néh jin hun Néh si'ik, Dau Posot tai éh tong lamin sebayang Yahudi barei' kemalai Néh nekedéng Éh ke' néh purung surat Allah,

YOHANES 1:46

Ka' ha' Natanael, Pu'un koléé' éh jian omok musit jin leboo' Nasaret nah kunah ko', ha' néh. Ka' ha' Pilipus mipa éh, Tuai ke' na'at Éh, ha' néh.

YOHANES 7:42

Uban ha' lem surat Allah bara', Kristus pu'un éh jin puku' Daud ngan lohoo' Néh tong leboo' Bétléhém, éh leboo' Daud sahau, ha' réh.