LUKAS 2:14 - Rengah Jian

¹⁴ Matek maren néh Allah éh tong seruga, petunuk tong tana' ngan kekat kelunan éh payoo' tong ta'an Néh, ha' réh.

LUKAS 2:14 Iomraidhean Croise

MATIUS 21:9

Irah éh lakau saa' tenah Yésus nah ngelahap, kenat ke' irah jin murin kepéh, ka' ha' réh, Mejing Anak Daud. Jian Allah mena' pengejian néh tong iah éh tuai lem ngaran Tuhan. Mejing Allah, ha' réh.

LUKAS 1:79

Iah juk tuai ke' Néh perema bau kekat kelunan éh murip dalem merem ngan éh mapah matai. Iah majak lu' tong kekat jalan éh mihin lu' murip jian ngan pawah, ha' néh.

LUKAS 19:38

Ka' ha' réh, Mejing ngaran Allah, jian mu'un Iah éh tuai dalem ngaran Allah. Petunuk tong seruga ngan peparen Allah, ha' réh.

LUKAS 2:13

La'ah pinaa' meliket tuai kepéh pemung ngan meliket inah, ke' réh nyanyi mejing Allah. Ha' réh,

LUKAS 2:15

Hun kekat meliket inah lepah moléé' tai seruga kepéh, irah éh mavaa' domba nah pepané, ka' ha' réh, Tuai tam tai Bétléhém, dokoo' tam na'at kekat éh benara' Tuhan ngan tam ri', ha' réh.

LUKAS 3:22

ngan Sahéé' Ni'ai tuhun tong Néh, layan néh barei'-okoo' juhit punai. La'ah pu'un ha' jin langit, ka' ha' Néh, Ka'au' néh Anak Ké' éh penika Ké', bang tong Ka'au' awah Akeu' payoo' kenin ha' Néh.

YOHANES 14:27

Ka' ha' Yésus kepéh, Pawah kenin keh, pengepawah Ké' Akeu' mena' éh ngan keh, bé' Ku' ngepawah kenin keh barei' kelunan éh mihau urip réh tong tana' awah. Mai keh tusah kenin, mai keh medai.

YOHANES 17:4

Kelebéé' Akeu' pu'un tong tana' iteu', pu'un Ku' pepoléng pengaren Ko' ngan réh, pu'un Ku' pesukup kekat kereja' éh nena' Ko' ngan Ké' rai.

YOHANES 3:16

Uban ja'au penika Allah ngan kekat kelunan tong tana' iteu', inah Iah mena' Anak Néh éh jah de' ke' inah, dokoo' séé'-séé' éh ngelan tong Anak Néh, bé' éh matai bang néh omok alaa' urip pelinguh.

PENGANEU' LAWAH 10:36

Pu'un éh pané ngan pohoo' Yahudi bara' Rengah Jian ngan réh, rengah inah bara' tunuk neu' Yésus Kristus éh Tuhan kekat kelunan.

SURAT PAULUS NGAN SIDANG RUM 5:1

La'ah uban uleu' pu'un jian kepéh ngan Allah naneu' pengelan lu' tong Iah, inah éh mihin uleu' tunuk ngan Allah kepéh naneu' Tuhan Yésus Kristus éh kenelan lu'.

ÉPESUS 1:6

Jian uleu' mejing Allah uban lu' jam penika Néh éh ja'au mu'un. Bé' éh mena' urip maréng ngan lu' uban pengejian uleu', bang uban neu' penika Néh awah nah ke' Néh mena' urip maréng ngan lu', dalem Anak Néh éh kemurung Néh mu'un.

ÉPESUS 1:9

ngan kejeraa' uleu' jam tong pengeloo' kenin Néh éh petenup Néh tenéh ngan éh pelim jin kelunan sahau.

ÉPESUS 2:4

Bang pu'un Allah pika lu' mu'un, ja'au mu'un penika Néh, bé' éh omok benara' lu',

ÉPESUS 2:7

Pu'un Iah maneu' kenat dokoo' penika Néh ngan lu' dalem Kristus, éh ja'au mu'un, éh bé' omok benara' lu', pu'un poléng pelinguh.

PILIPI 2:11

Ngan kekat néh béé bara' Yésus Kristus Iah éh pengeja'au. Neu' ha' réh kenat pu'un réh peparen Allah éh Tamen.

PILIPI 2:13

Uban Allah éh kereja' dalem kenin ka'ah, avéé' ka'ah keloo' maneu' ngan pu'un maneu' kekat-kekat éh pengeloo' Néh.

KOLOSÉ 1:20

Kenat péh neu' Anak Néh Allah maneu' jah pemekat kenin dokoo' Néh mihin kekat-kekat penyuai Néh moléé' tavin Tuhan ngan petunuk réh neu' dahaa' Anak Néh éh matai tong kayeu' salib. Kenat péh jalan Néh mihin kekat éh tong tana' ngan éh tong langit péh moléé' tavin Iah kepéh.

2 TESALONIKA 2:16

Jian Tuhan Yésus Kristus, ngan Allah éh Tamen lu', éh pika uleu' ngan naneu' penika Néh Iah mena' pengepapung Néh éh pelinguh ngan pengelan éh jian ngan lu',

ÉH POLÉNG 5:13

La'ah akeu' menéng ha' kekat penyuai éh murip tong seruga, tong tana', ra' tana' péh, ngan kekat penyuai éh murip lem baa' banget ngan kekat penyuai éh murip tong langit ngan tong tana' iteu', irah nyanyi. Kekat kenajung ngan penyeva' pengaren ngan penyukat anah Iah éh menyun bau nyun inah kenat péh ngan Anak Domba inah pah avéé' kelebéé'-lebéé' néh.