LUKAS 2:11 - Rengah Jian

¹¹ Hun iteu' pu'un jah anak maréng tong leboo' Daud éh juk purip ka'ah, inah éh Kristus éh Tuhan.

LUKAS 2:11 Iomraidhean Croise

MATIUS 1:16

Yakub tamen Yusup éh lakei' Meriam éh tinen Yésus éh nateng réh Kristus.

MATIUS 1:21

Iah juk nganak jah anak lakei' dat, jian ke' maneu' ngaran Néh Yésus, uban Iah juk purip kekat kelunan jin penyala' réh, ha' néh.

MATIUS 16:16

Ha' Simon Péterus mipa éh, ka'au' éh Kristus éh Anak Allah éh murip, ha' néh.

MATIUS 16:20

La'o inah Yésus meta' réh bara' Iah éh Kristus. Bé' Iah buhaa' réh bara' éh ngan séé'-séé' péh.

LUKAS 1:43

Béé kenin ké' seruh uban akeu' éh ra' mu'un pu'un kenajung ke' ka'au' éh tinen Tuhan, Tuhan éh Pengeja'au ké', ka'au' pu'un tuai nepah akeu'.

LUKAS 1:69

Iah mena' jah kelunan éh ja'au penyukat éh omok ngelepu lu'. Pu'un éh tuai jin puku' Daud, éh kelunan sohoo' Tuhan.

LUKAS 2:26

ngan neu' Sahéé' inah, inah iah jam bé' iah matai jak hun néh bé' sakui na'at Kristus éh pejajii' Tuhan.

LUKAS 2:4

Tovoo' inah Yusup pu'un mokoo' tong leboo' Nasaret éh tong tana' Galilia, boh éh moléé' kepéh tai tana' Yudea tong leboo' Daud, ngaran leboo' inah Bétléhém. Yusup tai sinah uban néh ngepohoo' Daud.

YOHANES 1:41

Anderias tioo tai pitah padéé' néh Simon ke' néh bara' ngan néh ka', Améé' lepah temeu' ngan Kristus, ha' néh. Sin tong ngaran Kristus, inah éh, Iah éh pejajii' Tuhan dokoo' Néh Pengeja'au kelunan.

YOHANES 1:45

Boh Pilipus tai pitah Natanael ke' néh bara' ka' ngan néh, Améé' lepah temeu' ngan Iah éh benara' Musa lem surat néh sahau, ngan éh benara' irah éh nabi. Kelunan éh nebaraa' réh inah, Yésus éh, Éh anak Yusup éh jin leboo' Nasaret, ha' Pilipus.

YOHANES 11:27

Ka' ha' Marta mipa éh, Akeu' ngelan adang Ka'au éh Kristus Anak Allah éh pejajii' Tuhan juk tuai tong tana' ha' néh.

YOHANES 20:31

Bang kekat éh senurat ké' iteu' pu'un ku' nyurat éh kenat dokoo' keh omok ngelan adang Yésus nah Iah éh Kristus éh Anak Allah mu'un, ngan hun ko' ngelan éh kenat, boh ke' omok alaa' urip lem ngaran Néh.

YOHANES 4:25

La'ah ka' ha' redo inah kepéh, Kejam ké' Kristus juk tuai, inah éh, Iah éh kevéléé' Allah ke' Néh Pengeja'au kelunan, ngan hun Néh tuai omok Éh bara' kekat ineu'-ineu' ngan mé', ha' néh.

YOHANES 4:42

La'ah ka' ha' réh ngan redo inah, Hun iteu' améé' ngelan bé' éh neu' ha' ko' awah, uban améé' péh pu'un menéng matek ha' Yésus mu'un. La'ah kejam mé' Iah Néh éh Kristus éh juk purip kekat kelunan tong tana' iteu', ha' réh.

YOHANES 6:69

Ngan améé' jam ngan améé' ngelan, adang Ka'au Anak Allah, ha' Péterus.

YOHANES 7:41

Ha' jelua' kepéh, Bé' éh kenat, adang Néh Kristus, ha' réh. Ha' jelua' kepéh, Bé' éh kenat, uban hun Kristus tuai, bé' Éh tuai jin Galilia.

PENGANEU' LAWAH 10:36

Pu'un éh pané ngan pohoo' Yahudi bara' Rengah Jian ngan réh, rengah inah bara' tunuk neu' Yésus Kristus éh Tuhan kekat kelunan.

PENGANEU' LAWAH 13:23

La'ah jin betah Daud, pu'un Allah mena' Yésus ngan pohoo' Israel, ke' Néh purip réh, pekua' éh pejajii' Néh lepah.

PENGANEU' LAWAH 17:3

Iah bara' éh lenaa' mu'un, adang éh tekep Kristus keta ngan betéé' jin patai Néh. Ka' ha' néh, Yésus éh benara' ké' ngan keh, adang néh Iah ké' éh Kristus, ha' néh.

PENGANEU' LAWAH 2:36

Ka' ha' Péterus kepéh, uban néh kenat jian kekat pohoo' Yahudi jam mu'un, Yésus nah Éh penatai keh tong salib rai, Allah metéé' Éh maneu' éh Tuhan ngan Kristus, ha' néh.

PENGANEU' LAWAH 5:31

Allah pu'un metéé' Éh saa' na'au' Néh ngan maneu' Éh Raja' ke' Néh omok purip kelunan dokoo' Néh maneu' jalan ngan pohoo' kelunan Yahudi ke' réh ngepaléu kenin réh ngan penyala' réh omok pega'.

1 KORINTUS 15:47

La'ah Adam éh bu'un, pu'un éh senuai Tuhan jin agaa' tana', Adam éh keruwah nah Iah pu'un jin seruga.

PILIPI 2:11

Ngan kekat néh béé bara' Yésus Kristus Iah éh pengeja'au. Neu' ha' réh kenat pu'un réh peparen Allah éh Tamen.

PILIPI 3:8

Bé' makat kekat inah awah, bang kekat ineu'-ineu' péh kepéh akeu' bara' éh pekua' moo' awah hun ké' pepata éh tong kekat éh jian, inah éh tong pengejam ké' tong Kristus Yésus éh pengeja'au ké'. Uban neu' pengelan ké' tong Kristus, akeu' lepah bet kekat inah, kekat inah seleket moo' awah éh tong jumen ké', dokoo' ké' omok alaa' Kristus anah ké' mu'un,

KOLOSÉ 2:6

La'ah uban ka'ah pu'un alaa' Kristus Yésus Tuhan keh, jian keh murip ngan jian barék pemung ngan Néh.

1 YOHANES 4:14

Pu'un Allah nyohoo' Anak Néh tuai tong tana' iteu' ke' Néh purip kelunan. Améé' tengéé' péh lepah na'at Iah, ngan pu'un mé' bara' éh ngan kelunan éh jah kepéh.

1 YOHANES 5:1

Séé'-séé' éh ngelan Kristus éh purip éh pejajii' Allah, kelunan inah éh anak Allah. Séé'-séé' éh pika Tamen Néh, pu'un éh pika Anak Néh kepéh.