LUKAS 19:38 - Rengah Jian

³⁸ Ka' ha' réh, Mejing ngaran Allah, jian mu'un Iah éh tuai dalem ngaran Allah. Petunuk tong seruga ngan peparen Allah, ha' réh.

LUKAS 19:38 Iomraidhean Croise

MATIUS 2:2

Irah neteng, Semah anak maréng éh raja' kelunan Yahudi? Pu'un kenyalung Néh ta'an mé' hun mé' tong tana' éh saa' usit maten dau, inah ke' mé' tuai juk seva' éh, ha' réh.

MATIUS 21:9

Irah éh lakau saa' tenah Yésus nah ngelahap, kenat ke' irah jin murin kepéh, ka' ha' réh, Mejing Anak Daud. Jian Allah mena' pengejian néh tong iah éh tuai lem ngaran Tuhan. Mejing Allah, ha' réh.

MATIUS 25:34

La'ah Raja' juk pané ngan irah éh saa' na'au' néh, ka' ha' néh da', Ka'ah éh pu'un alaa' urip pelinguh jin Tamen Ké', tuai keh. Tuai ka'ah éh kevéléé' Tamen Ké' dokoo' keh alaa' pengejian néh. Tuai keh, hun iteu' Iah juk maneu' keh pengeja'au tong kuraa' tana' éh petenup néh ngan keh jin bu'un néh suai tana' iteu' sahau.

MATIUS 25:40

Boh Raja' juk mipa ha' réh kepéh, ka', Akeu' bara' ngan keh, siget-siget koléé' hun keh nolong irah éh padéé' ké' iteu', na' péh réh si'ik mu'un, inah seleket keh nolong usah ké' mu'un. Kenat ha' ké' ngan réh, ha' Yésus nah.

LUKAS 13:35

Uban keh bé' keloo' laa' Ké' kenat, hun iteu' nebet Ké' Umaa' Allah iteu'. Akeu' bara' ngan ka'ah, bé' ka'ah omok na'at Akeu' kepéh la', pah avéé' dau Ké' tuai kepéh hun keh pu'un bara' ka', Mejing ngaran Tuhan, jian mu'un iah éh tuai dalem ngaran Tuhan, kenat ha' keh da', ha' Yésus ngan réh.

SURAT PAULUS NGAN SIDANG RUM 5:1

La'ah uban uleu' pu'un jian kepéh ngan Allah naneu' pengelan lu' tong Iah, inah éh mihin uleu' tunuk ngan Allah kepéh naneu' Tuhan Yésus Kristus éh kenelan lu'.

ÉPESUS 1:12

Uban néh kenat, jian urip améé' éh bu'un-bu'un ngelan tong Kristus, pepoléng pengaren Allah.

ÉPESUS 1:6

Jian uleu' mejing Allah uban lu' jam penika Néh éh ja'au mu'un. Bé' éh mena' urip maréng ngan lu' uban pengejian uleu', bang uban neu' penika Néh awah nah ke' Néh mena' urip maréng ngan lu', dalem Anak Néh éh kemurung Néh mu'un.

ÉPESUS 3:10

dokoo' naneu' sidang hun iteu' kekat meliket ngan kekat éh pu'un penyukat tong seruga, omok jam tong pengeloo' kenin Tuhan éh jian mu'un.

ÉPESUS 3:21

kekat pengajung anah nah dalem sidang ngan dalem Kristus Yésus kelebéé'-lebéé' néh pah avéé' pelinguh. Amin.

KOLOSÉ 1:20

Kenat péh neu' Anak Néh Allah maneu' jah pemekat kenin dokoo' Néh mihin kekat-kekat penyuai Néh moléé' tavin Tuhan ngan petunuk réh neu' dahaa' Anak Néh éh matai tong kayeu' salib. Kenat péh jalan Néh mihin kekat éh tong tana' ngan éh tong langit péh moléé' tavin Iah kepéh.

1 TIMOTIUS 1:17

Jian Allah, Raja' éh pelinguh, éh murip pelinguh-linguh, éh bé' omok ta'an kelunan, ngan éh jah awah, tekep seneva' ngan peparen avéé' kelebéé' lebéé' néh. Amin.

1 PÉTERUS 1:12

Allah pu'un bara' ngan irah nabi tong kekat éh naneu' réh nah bé' éh tulat usah réh tengéé', bang pu'un éh tulat ka'ah. Kekat éh benara' irah nabi inah, hun iteu' lepah keh menéng éh jin irah éh bara' tong Rengah jian inah. Irah perengah éh ngan keh palaa' penyukat Sahéé' Ni'ai, éh nena' jin seruga pah avéé' irah meliket péh keloo' jam tong kekat inah.