LUKAS 19:28 - Rengah Jian

²⁸ La'o Yésus maneu' ha' tapan tong rigit mas inah, lakau Éh jin tenah réh masek jalan Néh juk tai leboo' Yérusalem nah.

LUKAS 19:28 Iomraidhean Croise

LUKAS 10:30

La'ah Yésus mipa éh kepéh palaa' ha' tapan. Ka' ha' Néh, Pu'un jah kelunan lakau jin leboo' Yérusalem tai Yerikho. Belu'an jalan néh lakau nah, inah pejamun maneu' éh. Pejamun nah alaa' kekat pakai néh ngan mipok kelunan inah ngan irah bet éh danii' néh juk matai.

LUKAS 12:50

Bang dokoo' luten inah omok mahang kenat, tekep Akeu' pu'un teneng tong kekat arong pengeketa Ké', besau kenin Ké' kelebéé' iteu' bé' jak ma'o.

LUKAS 18:31

Yésus tebai irah bakéh Néh éh jah poloo' duah usah nah, ke' Néh petengéé' réh jin irah éh pinaa' nah dokoo' Néh pané ngan réh. Ka' ha' Néh, Menéng keh, hun iteu' tam juk tai tong leboo' Yérusalem, hun tam avéé' sitai kekat-kekat éh senurat irah nabi sahau, éh bara' tong kekat éh juk neu' kelunan tong Anak Kelunan, adang néh pu'un kenat sitai dat.

LUKAS 9:51

Hun danii' jaka' Yésus juk moléé' tai seruga kepéh, lakau Éh ke' Néh tai leboo' Yérusalem ngan jah awah kenin.

YOHANES 18:11

Ka' ha' Yésus ngan Péterus, Mai ke' maneu' kenat, masek po'é ko' lem takéng néh. Pu'un ke' seruh Akeu' bé' keloo' teneng tong pengeketa pekua' pengeloo' Tamen Ké' éh ke' ko' maneu' kenat, ha' Néh.

IBRANI 12:2

Bang jian lu' petem kepuh tong Yésus, éh majak lu' lem pengelan lu' jin bu'un avéé' ga'. Yésus bé' béé kenin, na' péh Iah pu'un matai tong kayeu' salib. Bang uban kemurung éh juk laa' Néh kepéh, bé' Iah seruh kemenyaa' éh teneng tong kelunan éh matai tong kayeu' salib, hun iteu' Iah menyun saa' na'au' nyun Allah.

1 PÉTERUS 4:1

La'ah uban Kristus lepah tagong pengeketa tong usah Néh, jian ka'ah ngegahang kenin keh palaa' penyeruh éh pekua' kenin Kristus. Éh ke' néh kenat uban séé'-séé' éh tagong pengeketa tong usah néh, bé' iah maneu' penyala' kepéh.