LUKAS 19:21 - Rengah Jian

²¹ Medai ku' pakai éh uban ké' jam ka'au' jah kelunan éh mahéng kenin. Pu'un ke' alaa' éh bé' anah ko', ngan pu'un ke' majau anah irah éh jah, ha' néh.

LUKAS 19:21 Iomraidhean Croise

LUKAS 19:20

La'o inah pu'un jah usah tuai tavin éh kepéh, ha' néh, O amam, pu'un akeu' alaa' rigit mas éh na' ko' ngan ké' irai, iteu' éh neu' ké', kelebéé' ko' lakau rai pu'un ku' modoo' éh jian-jian lem livah ké' siteu'.

LUKAS 19:22

Ha' lakei' ja'au ngan néh kepéh, Sa'at ka'au', ka'au' jah kelunan sohoo' bang bé' ke' jam seruh. Neu' ha' ko' kenat nah, akeu' ngukum ka'au'. Ka'au' jam akeu' jah kelunan éh mahéng kenin ngan alaa' livah éh bé' anah ké' mu'un ngan majau tong éh nulah irah éh jah,

SURAT PAULUS NGAN SIDANG RUM 8:15

Uban Sahéé' Ni'ai éh nena' Tuhan ngan keh, bé' éh ngeripen keh ke' Néh ngedai keh, bang pu'un Iah maneu' keh anak Tuhan Allah mu'un. Naneu' penyukat Sahéé', inah jalan uleu' omok mateng Allah, Amam O Amam!

SURAT PAULUS NGAN SIDANG RUM 8:7

Kenat péh hun kelunan murip kivu kenin néh tengéé', inah éh ayau Allah.

2 TIMOTIUS 1:7

Uban Sahéé' éh nena' Tuhan ngan lu', bé' éh maneu' lu' medai, bang Sahéé' Ni'ai pepenoo' lu' palaa' penyukat, penika ngan pengegahang éh mihin lu' jam mihau kenin.

YAKUB 2:10

Uban séé'-séé' éh ngelapah na' péh éh tong jah awah sohoo', seleket néh ngelapah tong kekat néh béé.

1 YOHANES 4:18

Kelunan éh lepah jam penika Allah bé' iah pu'un medai, uban penika éh sukup mu'un maneu' lu' bé' pu'un medai. Uban néh kenat kelunan éh bé' jak jam tong penika Allah ngan sukup mu'un adang néh medai kenukum tovoo' ga' dau vam.

YUDAS 1:15

Adang Iah petuneng kekat kelunan. Iah juk ngukum kelunan éh bé' ngelan uban penganeu' réh éh Sa'at ngan uban kekat ha' ané réh ngesa'at Tuhan!