LUKAS 19:20 - Rengah Jian

²⁰ La'o inah pu'un jah usah tuai tavin éh kepéh, ha' néh, O amam, pu'un akeu' alaa' rigit mas éh na' ko' ngan ké' irai, iteu' éh neu' ké', kelebéé' ko' lakau rai pu'un ku' modoo' éh jian-jian lem livah ké' siteu'.

LUKAS 19:20 Iomraidhean Croise

MATIUS 25:24

Masek kepéh kelunan sohoo' éh alaa' jah ibu rigit mas nah. Ka' ha' néh, O lakei' ja'au, akeu' jam ka'au' kelunan éh bé' jam pika, pu'un ke' alaa' buaa' jin térék éh bé' tenérék ko', ngan éh bé' nulah ko'.

LUKAS 19:13

Bé' jak éh peleka lakau nah, inah iah tebai kekat kelunan sohoo' néh jah poloo' usah réh, ke' néh mena' jah rigit mas pesiget-siget usah réh. Ka' ha' néh ngan réh, Kelebéé' ké' lakau teu' da', jian keh pakai rigit iteu' maneu' kereja' pekua' kelunan éh pebelih, dokoo' rigit iteu' omok tai vat kepéh, ha' néh ngan réh.

LUKAS 19:19

Ha' lakei' ja'au ngan néh, Jian, ka'au' péh omok pengeja'au lemah leboo' kepéh, ha' néh.

LUKAS 19:21

Medai ku' pakai éh uban ké' jam ka'au' jah kelunan éh mahéng kenin. Pu'un ke' alaa' éh bé' anah ko', ngan pu'un ke' majau anah irah éh jah, ha' néh.

LUKAS 3:9

Hun iteu' péh pu'un kapak lepah pedah ke' néh tebeng tong lakat kayeu'. La'ah kekat inan kayeu' éh bé' ngebuaa' ngan buaa' éh jian, tenebeng néh ngan nebet néh dalem luten, ha' néh.

LUKAS 6:46

Ha' Yésus kepéh, Uban ineu' keh bara' Akeu' Tuhan keh hun keh bé' kivu sohoo' ké'?

YOHANES 11:44

Boh lakei' éh matai nah tioo musit, petem livah tong ojoo' ngan tong gem néh éh palaa' réh mutup éh nah, kenat péh petem livah éh kejeret réh tong ja'an néh nah. Ka' ha' Yésus ngan réh, Jian keh muka kekat livah inah ke' néh omok lakau, ha' Néh.

YOHANES 20:7

ngan livah éh peseleben réh tong ulun Yésus rai. Livah inah bé' éh pemung ngan livah kapan bang pu'un éh peseleben tengéé'.

YAKUB 4:17

Uban kenat, séé'-séé' éh jam maneu' jian bang bé' éh maneu' éh, kivu éh tekep naneu' néh, kelunan inah penyala'.