LUKAS 19:18 - Rengah Jian

¹⁸ Boh jah usah tuai kepéh tavin éh, ka' ha' néh, O amam, pu'un akeu' alaa' jah rigit mas ko' irai ngan hun iteu' pu'un éh avéé' lemah rigit mas kekat néh, ha' néh.

LUKAS 19:18 Iomraidhean Croise

MATIUS 13:23

Sin tong lo'ong éh pelohoo' tong tana' éh jian, inah éh barei' kelunan éh menéng rengah nah ngan nesen éh. Pu'un réh ngebuaa', jelua' réh pinaa' buaa' réh, jelua' réh kerat awah buaa' réh, jelua' réh kepéh, kerat mu'un buaa' réh. Kenat sin ha' tapan iri' ne', ha' néh.

MATIUS 25:22

La'o inah masek kepéh kelunan sohoo' éh alaa' duah ibu rigit mas nah. Ka' ha' néh, Inah duah ibu rigit mas éh nena' ko' ngan ké' lepah rai, inah duah ibu rigit mas kepéh éh bau néh, ha' néh.

MARKUS 4:20

Pu'un jelua' kelunan kepéh, barei' parai pelohoo' tong tana' éh jian nah. Uban hun réh menéng ha' tebaraa' inah, irah tioo alaa' éh ngan mihau éh mu'un lem lepok kenin réh. Barei' parai éh murip jian pah avéé' néh ngebuaa' ngan buaa' néh pinaa' mu'un nah. Jelua' parai bé' éh pinaa' buaa', jelua' pinaa' ke' éh. Pu'un kepéh éh matek pinaa' buaa'. Kenat sin ha' tapan iri ne', ha' Néh.

LUKAS 19:13

Bé' jak éh peleka lakau nah, inah iah tebai kekat kelunan sohoo' néh jah poloo' usah réh, ke' néh mena' jah rigit mas pesiget-siget usah réh. Ka' ha' néh ngan réh, Kelebéé' ké' lakau teu' da', jian keh pakai rigit iteu' maneu' kereja' pekua' kelunan éh pebelih, dokoo' rigit iteu' omok tai vat kepéh, ha' néh ngan réh.

LUKAS 19:17

Ha' lakei' ja'au ngan néh, Jian, jian mu'un kereja' ko' kenat, ka'au' jah kelunan sohoo' éh jam seruh. Uban ko' tigéh lem kereja' ko' éh si'ik nah, akeu' juk maneu' ka'au' pengeja'au tong jah poloo' leboo' kepéh, ha' néh.

LUKAS 19:19

Ha' lakei' ja'au ngan néh, Jian, ka'au' péh omok pengeja'au lemah leboo' kepéh, ha' néh.

2 KORINTUS 8:12

Uban hun keh gahang kenin juk mena' éh, Tuhan jam seruh tong kekat pengena' keh inah, bé' Iah nyohoo' keh mena' éh bé' pu'un.