LUKAS 19:10 - Rengah Jian

¹⁰ Anak Kelunan tuai ke' Néh pitah ngan pepurip kekat kelunan éh tawang, ha' Néh.

LUKAS 19:10 Iomraidhean Croise

MATIUS 1:21

Iah juk nganak jah anak lakei' dat, jian ke' maneu' ngaran Néh Yésus, uban Iah juk purip kekat kelunan jin penyala' réh, ha' néh.

MATIUS 10:6

Bang jian keh tai ngan kekat pohoo' Yahudi éh barei' domba éh tawang nah.

MATIUS 15:24

Boh Yésus mipa ha' réh, ka' ha' néh, Tamen ké' nyohoo' Akeu' tai ngan irah domba éh tawang belah pohoo' Yahudi, bé' iah nyohoo' Akeu' tai ngan kelunan éh tengéé' pohoo', ha' néh.

MATIUS 18:10

Ha' Yésus kepéh, Mai keh muau irah anak si'ik. Akeu' bara' ngan keh, meliket réh éh tong seruga ngelayau réh pu'un tong jumen Tamen ké' tong seruga.

MATIUS 18:11

Uban Anak Kelunan pu'un tuai dokoo' néh pitah kekat irah éh tawang.

LUKAS 15:32

Adang éh tekep lu' maneu' ka'an ja'au ngan murung kenin, uban padéé' ko' inah lepah matai rai, bang hun iteu' pu'un éh murip kepéh, inah iah lepah tawang rai, ngan hun iteu' pu'un éh lepah moléé' kepéh, ha' tamen néh, ha' Yésus.

LUKAS 15:8

Ka' ha' Yésus kepéh, Hun néh pu'un jah redo éh pu'un jah poloo' rigit pirek, boh jah rigit inah metat, kineu' éh neu' redo inah kepéh? Adang néh seket titui néh ngan pa kekat gelan néh ke' néh pitah éh mu'un-mu'un pah avéé' néh pu'un poléng kepéh.

YOHANES 3:17

Uban bé' Allah nyohoo' Anak Néh tuai tong tana' iteu' ke' Néh ngukum kelunan tong tana' iteu', bang Iah nyohoo' Éh tuai ke' Néh purip kelunan tong tana' iteu'.

SURAT PAULUS NGAN SIDANG RUM 5:6

Uban lem lu' to lemoo' ngan bé' omok piso jin kesa'at lu', tovoo' jaka' éh kevéléé' Allah ke' Kristus matai ngeliwah uleu' kelunan éh sa'at.

IBRANI 7:25

Kenat péh kekat kelunan éh tuai tavin Tuhan dalem Iah, Kristus pu'un penyukat purip réh, kenat éh hun iteu', kenat péh avéé' pelinguh, uban Iah murip pelinguh ngelayau Éh menyat Allah pika réh.