LUKAS 18:7 - Rengah Jian

⁷ kineu' Tuhan, bé' Tuhan keloo' nolong kelunan éh kivu pengeloo' Néh éh sebayang putung dau ngan putung merem péh. Kineu', leko Éh nolong réh.

LUKAS 18:7 Iomraidhean Croise

MATIUS 24:22

Hun Allah bé' ngeti'eng penusah inah, bé' pu'un séé'-séé' éh omok murip. Bang uban Iah pika irah éh kevéléé' néh, bé' penusah inah pu'un avéé' lebéé' mu'un, ha' néh.

MATIUS 24:24

Uban pu'un kuraa'-kuraa' kelunan juk tuai éh bara' éh Kristus, bang bé' éh kenat. Kenat péh tong kelunan éh nabi, adang pu'un kuraa'-kuraa' usah réh éh bara' réh nabi Tuhan, bang bé' éh kenat. Kenat péh omok réh maneu' kuraa' telana' éh tejeu' éh ngebéé kenin kelunan ke' réh ngelavo' kelunan éh kevéléé' Allah.

MATIUS 7:11

Na' péh ka'ah kelunan éh sa'at awah, jam keh mena' kekat éh jian ngan anak keh, makin péh Tamen keh tong seruga, adang Iah mena' kekat éh jian ngan kelunan éh menyat jin Iah, ha' néh.

LUKAS 11:13

Hun ka'ah kelunan éh sa'at awah jam mena' kekat éh jian ngan anak keh, makin péh Tamen keh éh tong seruga, adang Iah omok mena' Sahéé' Ni'ai ngan kelunan éh menyat ngan Néh, ha' Néh ngan irah éh bakéh Néh.

LUKAS 2:37

la'o inah baleu' éh avéé' ayah poloo' pat ta'un. Mokoo' tengéé' éh tong Umaa' Allah. Siget dau ngan siget merem iah seva' Allah, ngan kelaset awah ke' néh sebayang.

LUKAS 21:28

Hun kekat penusah inah pu'un, jian keh nekedéng ngan nerepan uban savéé' Tuhan danii' mu'un, ha' Yésus.

SURAT PAULUS NGAN SIDANG RUM 8:33

Bé' pu'un séé' omok pesala' kelunan éh kevéléé' Allah. Uban Allah éh bara' réh pu'un jian kepéh tong jumen Néh.

KOLOSÉ 3:12

La'ah ka'ah péh anah Allah, pu'un Iah pika keh ngan ngevéléé' keh dokoo' keh omok anah Néh mu'un. Uban kenat ka'ah tekep pika pepika, Jian tipan, diva' kenin, dawai kenin ngan kebit kenin.

1 TESALONIKA 3:10

Siget dau ngan siget merem améé' sebayang menyat Iah mukap jalan ke' mé' omok tai tavin ka'ah, dokoo' mé' pesukup ineu'-ineu' éh kurang dalem pengelan keh tong Kristus.

2 TESALONIKA 1:6

Bang Allah éh teneng, adang Iah mena' tusah ngan irah éh petusah ka'ah hun iteu' nah

1 TIMOTIUS 5:5

La'ah redo éh baleu' éh bé' pu'un séé'-séé' éh omok petubo éh bang pu'un éh ngelan Allah awah mihau éh, ngan pu'un éh sebayang siget dau ngan siget merem péh menyat pika jin Tuhan.

2 TIMOTIUS 1:3

Akeu' bara' jian kenin ngan Allah éh kenivu ké' ngan bé' pu'un ineu'-ineu' pesala' kenin ké' barei' kekat tepun ké' sahau rai. La'ah akeu' ngelayau sebayang bara' jian kenin ngan Néh hun ké' seruh tong ka'au', siget dau ngan siget merem péh.

2 TIMOTIUS 2:10

Kenat péh akeu' ngeretep dalem kekat pengeketa ké', dokoo' ké' omok nolong kelunan éh kevéléé' Allah, dokoo' irah péh omok alaa' urip dalem Kristus Yésus, pemung ngan pengaren Néh éh pu'un pelinguh.

TITUS 1:1

Surat iteu' jin akeu' Paulus kelunan sohoo' Allah ngan lawah Yésus Kristus. Pu'un Allah ngevéléé' akeu' dokoo' ké' omok ngereken pengelan kelunan éh anah Allah, ngan mihin réh jam tong ha' tebaraa' éh teneng dalem sebayang mé'.

1 PÉTERUS 1:1

Surat iteu' jin Péterus, Lawah Yésus Kristus surat iteu' nena' ngan kelunan éh kevéléé' Allah éh lepah piso jin tana' réh tengéé', éh purat ngan mokoo' tong tana' Pontus, Galatia, Kapadokia, Asia ngan Bitinia.

2 PÉTERUS 3:9

La'ah bé' Tuhan tipa' maneu' kekat éh pejajii' Néh, na' péh jelua' kelunan seruh Tuhan tipa' maneu' éh, uban neu' Néh kebit kenin bé' Iah keloo' jah-jah usah péh matai lem penyala' néh, bang Iah keloo' kekat kelunan pekoléé' kenin jin penyala' réh.

ÉH POLÉNG 18:20

O kekat kelunan tong seruga, jian keh murung kenin uban néh lepah béé. O kekat kelunan éh anah Allah, ngan kekat lawah Néh ngan kekat nabi, murung keh, uban pu'un Allah ngukum éh uban kekat penganeu' néh ngan keh lepah rai.

ÉH POLÉNG 6:10

Pu'un réh pané ngan ja'au ha', ka' ha' réh, O Tuhan éh pelapah ja'au penyukat jin ineu'-ineu' péh, éh ni'ai ngan éh teneng, kineu' kelebéé' la'ah da' boh Ke' petuneng kelunan tong tana' ngan ngukum réh uban réh pu'un mematai améé', ha' réh.

ÉH POLÉNG 7:15

Inah maneu' réh nekedéng tong jumen nyun Allah ngan ngerera' kivu sohoo' Néh putung dau ngan putung merem dalem umaa' Allah. Iah éh menyun bau nyun inah pu'un mihau réh uban Néh pu'un pemung ngan réh.