LUKAS 18:4 - Rengah Jian

⁴ Avéé' lebéé' péh redo inah menyat kenat, bé' lakei' inah keloo' nolong éh. La'o inah kepéh boh lakei' inah seruh, kelem néh, Na' péh akeu' bé' medai tong Allah ngan bé' pegunah kelunan,

LUKAS 18:4 Iomraidhean Croise

LUKAS 12:17

La'ah iah seruh dalem kenin néh, ka' kelem néh, Tusah mu'un ku' ieng ke' jalan ké' modoo' kekat parai ké' iteu'. Ineu' éh tekep ké' maneu', kelem néh.

LUKAS 16:3

Boh lakei' inah seruh lem kenin néh, Kineu' akeu' kepéh da'. Lakei' ja'au inah juk bet akeu' jin kereja' inah, hun néh kenat kineu' ku' kepéh. Bé' akeu' gahang nyakun tana' dat, kenat péh menyaa' ku' ngabit kelunan awah dat.

LUKAS 18:2

Tong jah leboo' pu'un jah kelunan éh pu'un kereja' petuneng kekat rungen kelunan, bang bé' éh medai tong Allah ngan bé' éh pegunah kelunan.

LUKAS 18:3

Ngan tong leboo' inah pu'un jah redo baleu' kepéh éh liwet-liwet tavin éh. Redo inah menyat lakei' inah pika ngan nolong éh. Ha' redo inah, Jian ke' nolong akeu' uban pu'un kelunan éh ngebuyuk akeu', ha' néh.

LUKAS 20:13

Boh kelunan éh pu'un pulah inah bara' ka', Kineu' lah ku' da'. Akeu' juk nyohoo' anak usah ké' éh penika ké' mu'un iteu' tai, adang irah omok ngerera' tong anak ké' iteu' da', ha' néh.

IBRANI 12:9

Irah éh tamen lu' tong tana', pu'un réh memerah lu' ngan pu'un lu' sepah réh kepéh. Makin péh hun néh Tamen lu' tong seruga maneu' kenat, tekep lu' ngerera' kenin lu' dokoo' lu' omok murip.