LUKAS 18:30 - Rengah Jian

³⁰ kelunan inah pu'un alaa' éh pelapah pinaa' jin kekat éh pokoo' néh inah lem urip néh hun iteu', kenat péh iah omok alaa' urip pelinguh kepéh vam, ha' Néh.

LUKAS 18:30 Iomraidhean Croise

MATIUS 12:32

Séé'-séé' éh pané pesalut Anak Kelunan, omok penyala' néh inah pega', bang séé'-séé' éh pané muau Sahéé' Ni'ai, bé' penyala' néh inah omok pega', lem urip néh hun iteu' kenat péh pah avéé' néh matai, ha' Yésus ngan réh.

MATIUS 4:24

La'ah rengah néh inah avéé' pah tipo tana' Siria, pu'un réh mihin kekat kelunan éh sakit tavin éh, irah éh pu'un pinaa' arong kesakit, ngan irah éh nasek balei', ngan irah éh tuleu' ngan irah éh matai keluhat péh, pu'un éh peka'o réh béé.

1 TIMOTIUS 4:8

Hun lu' tupat pekalai alaa' kegahang usah lu', pu'un gunah néh si'ik awah, bang hun lu' pekalai alaa' kegahang dalem kenin lu', boh éh gunah mu'un, uban pu'un gunah néh lem urip lu' hun iteu', kenat péh lem urip lu' kepéh.

1 TIMOTIUS 6:6

Hun lu' petem lem sebayang mu'un, uleu' omok kaya', bang pengekaya' nah, bé' éh jin tana' iteu', inah éh kaya' lem kejian éh jin Tuhan. Kenat péh hun lu' murip jam seruh ngan bé' juk alaa' mekum, bang sukup kenin tong éh pu'un ngan lu' awah.

ÉH POLÉNG 2:10

Mai ke' medai tong pengeketa éh bé' lebéé' la'ah juk teneng tong ke'. Nesen ke'! Adang Sitan juk tupat ke'. Adang iah ngamit ngan masek kuraa'-kuraa' usah jin belah keh lem lamin tutup. Adang keh teneng pengeketa kelebbéé' jah poloo' dau. Jian keh tigéh tong Akeu' pah avéé' matai, ngan adang akeu' mena' urip pelinguh ngan keh uban keh lepah menang.

ÉH POLÉNG 2:17

Hun ko' pu'un kelingen omok menéng, jian ke' menéng kekat ha' éh benara' Sahéé' Ni'ai ngan sidang. La'ah ngan irah éh menang, Akeu' juk mena' mana éh nodoo' Ké' pelim. Kenat kepéh Akeu' juk mena' ngan siget usah réh jah bateu' éh mebéng tong bateu' inah senurat ngaran maréng, éh bé' omok kenejam séé-séé' péh, bang irah éh alaa' éh awah éh jam éh.

ÉH POLÉNG 3:21

Ngan irah éh nyopéé' kekat arong kesa'at, Akeu' kejeraa' réh menyun déhéé' Ké' tong nyun jalan Ké' Raja', barei' Akeu' lepah menang ngan menyun déhéé' Tamen Ké' tong jalan Néh Raja', ha' Néh.