LUKAS 18:23 - Rengah Jian

²³ Hun lakei' inah menéng ha' Yésus kenat, bahat kenin néh kepéh uban néh kaya' mu'un.

LUKAS 18:23 Iomraidhean Croise

MATIUS 19:22

Mujah kenin néh menéng ha' Yésus pané kenat uban néh kaya' mu'un.

MARKUS 10:22

Hun mah lakei' inah menéng ha' Yésus pané kenat, bahat kenin néh iah tioo, piso jin sinah ketem kebahat kenin, uban néh kaya' mu'un.

LUKAS 12:15

Boh Yésus pu'un bara' ngan kekat kelunan béé, ka' ha' Néh, Seruh keh jian-jian, mihau kenin keh jin kekat éh agat keh, uban na' péh kelunan kaya' mu'un ngan pinaa' livah, bé' éh murip neu' kekat livah néh, ha' Néh.

LUKAS 18:22

Hun Yésus menéng ha' néh pané kenat, boh éh bara' ngan néh kepéh, Jah awah la'ah éh tekep ke' maneu', jian ke' melih kekat livah éh anah ko' ngan mena' kekat rigit éh nalaa' ko' tong néh ngan kelunan kari, boh ke' pu'un pengekaya' tong seruga, la'o inah jian ke' tuai kivu Akeu', ha' Yésus ngan néh.

LUKAS 18:24

Yésus jam éh bahat kenin kenat, inah Iah pané kepéh ngan néh, ka' ha' Néh, Ma'an mu'un ngan kelunan kaya' tavin Allah ke' néh Pengeja'au néh.

LUKAS 19:8

La'ah nekedéng Sakheus ke' néh bara' ngan Tuhan, ka' ha' néh, O lakei' ja'au, akeu' juk petulat kekat livah ké' pekua' kekat éh anah ké', kenat péh éh nena' ké' ngan kelunan kari. Inah kepéh akeu' juk mena' éh pat kekat tulat ngan kelunan éh jalan ké' kenyo ngan alaa' livah néh awah rai, ha' néh.

LUKAS 21:34

Ka' ha' Yésus kepéh, Seruh keh jian-jian, mai keh telalau kuman nyahan mesep pah avéé' keh mavuk, ngan mai keh taleu neu' penusah éh pu'un tong tana', dai Tuhan beleka' avéé' lem keh bé' nerepan éh.

LUKAS 8:14

Tulin éh pelohoo' tong suha' nah, inah kepéh kelunan éh lepah menéng ha' tebaraa' Tuhan, neu' kekat penusah réh, neu' réh pitah pengekaya' ngan urip éh jian tong tana' awah, inah éh maneu' ha' tebaraa' inah ngerising lem kenin réh, bé' buaa' réh omok pinaa'.

ÉPESUS 5:5

Jian keh jam, bé' pu'un kelunan séé'-séé' péh éh petuyang, ngan éh maneu' barék éh bé' tekep, ngan kelunan éh magat juk alaa' mekum, éh omok tai lem nihau Kristus ngan Allah, uban kelunan éh kelih tong livah juk alaa' mekum, irah inah pekua' barei' kelunan éh pakai butun uban réh ngajung éh kemagat réh inah.

PILIPI 3:8

Bé' makat kekat inah awah, bang kekat ineu'-ineu' péh kepéh akeu' bara' éh pekua' moo' awah hun ké' pepata éh tong kekat éh jian, inah éh tong pengejam ké' tong Kristus Yésus éh pengeja'au ké'. Uban neu' pengelan ké' tong Kristus, akeu' lepah bet kekat inah, kekat inah seleket moo' awah éh tong jumen ké', dokoo' ké' omok alaa' Kristus anah ké' mu'un,

KOLOSÉ 3:5

Uban néh kenat jian keh mematai kekat pengagat éh sa'at éh jin tana' iteu' éh pu'un lem kenin keh, barei' petuyang, kekat barék éh bé' tekep keh maneu', magat tong kelunan éh jah, merek, ngan magat juk alaa' mekum. Kelunan éh magat kenat inah éh pekua' kelunan éh pakai butun, uban kemagat néh, inah éh pengeja'au kenin néh.

1 YOHANES 2:15

Mai keh murung tana' iteu' ngan murung ineu'-ineu' éh pu'un tong tana' iteu'. Hun keh murung tana' iteu' bé' keh pu'un murung Allah Tamen.