LUKAS 18:22 - Rengah Jian

²² Hun Yésus menéng ha' néh pané kenat, boh éh bara' ngan néh kepéh, Jah awah la'ah éh tekep ke' maneu', jian ke' melih kekat livah éh anah ko' ngan mena' kekat rigit éh nalaa' ko' tong néh ngan kelunan kari, boh ke' pu'un pengekaya' tong seruga, la'o inah jian ke' tuai kivu Akeu', ha' Yésus ngan néh.

LUKAS 18:22 Iomraidhean Croise

MATIUS 19:21

Ha' Yésus ngan néh, Hun ko' juk alaa' kenin éh jian mu'un, jian ke' tai melih kekat livah ko' ngan mena' kekat rigit ko' ngan kelunan kari, boh ke' pu'un pengekaya' tong seruga. La'o ko' maneu' kekat inah, jian ke' tuai kivu Akeu', ha' néh.

LUKAS 10:42

bang pu'un jah éh pelapah jian jin kekat inah, uban Meriam nah pu'un éh ngevéléé' éh jian, éh jian inah bé' éh omok nalaa' réh jin iah kepéh, ha' Yésus ngan néh.

LUKAS 12:33

Jian keh melih kekat livah keh, ngan kekat rigit éh nalaa' keh tong néh, jian keh mena' éh ngan kelunan kari. Jian keh alaa' bék éh bé' jam mupuk, inah éh pengekaya' tong seruga, pengekaya' inah bé' éh omok béé, uban kelunan nekau bé' éh omok tai sinah ngan nekau éh, kenat péh lipah, bé' éh omok kuman éh.

LUKAS 16:9

Ka' ha' Yésus ngan réh kepéh, Jian keteleu' pakai pengekaya' jin tana' iteu' dokoo' kelunan inah omok ngebakéh keh kepéh. Hun pengekaya' jin tana' lepah béé, boh irah omok alaa' keh ngan jian kenin tong lamin éh pu'un pelinguh.

LUKAS 18:21

Ha' lakei' inah kepéh, Kekat sohoo' néh inah pu'un ku' kivu éh jin hun ké' si'ik, ha' néh.

LUKAS 18:23

Hun lakei' inah menéng ha' Yésus kenat, bahat kenin néh kepéh uban néh kaya' mu'un.

LUKAS 9:23

La'ah ha' Néh ngan kekat kelunan pinaa' nah, Hun pu'un séé'-séé' péh éh juk kivu Akeu', mai éh kivu pengeloo' néh tengéé', bang siget-siget dau, jian éh alaa' salib néh tengéé' ngan kivu Akeu'.

PILIPI 3:13

O kekat padéé' ké', na' péh akeu' lepah peleka, bé' akeu' seruh akeu' lepah avéé' tong néh tenéh, bang jah awah éh neu' ké', akeu' juk ngelepan tong kekat pengelakau ké' lepah, ngan lakau mu'un dokoo' ké' omok avéé' tong éh juk tenavin ké' inah.

2 PÉTERUS 3:8

O kekat bakéh ké', mai keh ngelepan ha' ké' iteu', tong ta'an Tuhan jah dau péh bé' éh tengéé' jin jah ibu ta'un. Jah ibu ta'un péh bé' éh tengéé' jin jah dau nah, pu'un éh pekua' awah.