LUKAS 18:16 - Rengah Jian

¹⁶ Bang Yésus tebai kekat irah anak tavin Éh, ka' ha' Néh, Kejeraa' kekat irah anak tuai tavin Akeu', mai meta' réh, uban Allah éh Pengeja'au kekat kelunan éh pu'un kenin barei' kenin irah anak inah.

LUKAS 18:16 Iomraidhean Croise

MATIUS 19:14

Boh Yésus pané ngan réh, ka' ha' néh, Kejeraa' kekat irah anak tavin Akeu', mai keh meta' réh, uban kelunan séé'-séé' éh barei' anak inah, inah éh kelunan éh pu'un lem nihau Allah, ha' néh.

LUKAS 18:15

La'ah pu'un kelunan mihin anak réh tavin Yésus, murung kenin réh, irah keloo' Yésus mapai ojoo' Néh tong anak réh. Hun irah bakéh Yésus na'at réh mihin anak réh kenat, pu'un irah meta' réh bé' irah keloo' réh mihin éh kenat.

LUKAS 18:17

Seruh keh jian-jian, séé'-séé' éh bé' alaa' Allah Pengeja'au néh pekua' barei' irah anak si'ik, kelunan inah bé' omok tai lem nihau néh, ha' Yésus.

PENGANEU' LAWAH 2:39

Uban jajii' Tuhan pu'un éh ngan keh, kenat péh pu'un éh ngan anak keh, kenat péh ngan kuraa' kekat kelunan éh juu' péh, inah éh ngan kekat kelunan éh tenebai Tuhan, Tuhan Allah éh kenelan lu', ha' Péterus.

1 KORINTUS 14:20

O kekat padéé' ké' mai keh barei' penyeruh irah anak awah. Jian keh barei' anak éh tejeu' tong kesa'at, bang dalem kekat penyeruh keh jian keh barei' kelunan éh jam seruh mu'un.

1 KORINTUS 7:14

Na' péh lakei' néh bé' ngelan, hun néh mokoo' ngan redo néh éh ngelan, kenat éh lem pengeloo' Tuhan. Kenat péh barang éh redo bé' ngelan hun lakei' néh éh ngelan hun redo néh keloo' mokoo' ngan lakei' néh, kenat éh lem pengeloo' Tuhan. Hun rawah petat anak roh barei' anak irah éh bé' ngelan tong Tuhan.

1 PÉTERUS 2:2

Bang barei' anak bala mangaa' juk météé' nah, kenat péh jian ka'ah ngelayau juk mesep baa' jin Sahéé' Ni'ai, inah éh ha' tebaraa' Tuhan éh jian mu'un. Neu' ha' tebaraa' inah ka'ah omok pepit gahang ngan alaa' urip Tuhan.