LUKAS 18:13 - Rengah Jian

¹³ Kelunan éh alaa' sukai bé' éh tai danii', bé' éh na'at kebau tong seruga, bang néh tepap kebah néh awah. Ka' ha' néh, O Allah, Ko' pika akeu', akeu' iteu' kelunan éh penyala' awah, ha' sebayang néh.

LUKAS 18:13 Iomraidhean Croise

MATIUS 10:3

ngan Pilipus, ngan Bartolomeus, ngan Tomas, ngan Matius éh kereja' alaa' sukai rai, ngan Yakub anak Alpeus, ngan Tadius,

MATIUS 6:5

Ha' Yésus kepéh, La'ah hun keh sebayang, mai keh sebayang barei' kelunan éh ngelayoo' awah, éh keloo' nekedéng sebayang tong lamin sebayang irah Yahudi ngan tong jalan pebelih péh, dokoo' irah éh jah omok na'at éh. Akeu' bara' mu'un ngan keh, laa' réh oléé' néh tenéh.

MATIUS 9:13

Jian keh tai ngan seruh tong sin ha' lem surat Allah éh bara' ka', Bé' akeu' keloo' keh mematai ka'an dokoo' seva' Akeu', bang Akeu' keloo' keh pika kelunan, ha' néh. Bé' Akeu' tuai dokoo' tebai kelunan éh seruh iah éh kelunan éh jian, bang Akeu' tuai dokoo' tebai kelunan éh seruh iah éh kelunan éh sa'at, ha' néh.

MARKUS 11:25

Hun keh nekedéng sebayang, hun keh pu'un sa'at kenin neu' kelunan séé'-séé' éh ngesa'at keh, bet penyala' nah tenah, dokoo' Tamen keh éh tong seruga omok bet penyala' ko' kepéh.

LUKAS 17:12

Tovoo' Néh tai tong jah leboo' sinah, pu'un jah poloo' kelunan éh sakit kapéé' peselalang ngan Néh. Nekedéng réh juu' si'ik jin Yésus

LUKAS 22:41

Boh éh piso jin irah kejuu' jah neput nah kejuu', boh éh ngejekuu' lep Néh ngan sebayang.

LUKAS 23:48

Kelunan pinaa' éh pu'un sinah hun réh na'at kekat inah, boh réh moléé' ngan tepap kebah réh uban réh besau kenin.

LUKAS 5:8

Hun Simon Péterus na'at éh kenat, iah ngejekuu' lep néh tong jumen Yésus, ha' néh, O Tuhan, piso ke' jin akeu' uban akeu' kelunan penyala' awah, ha' néh.

PENGANEU' LAWAH 2:37

Hun réh menéng ha' Péterus pané kenat, besau kenin réh, tioo pané réh ngan Péterus ngan irah lawah Tuhan éh jah kepéh, ka' ha' réh, O kekat padéé', kineu' lah mé' da', ha' réh.

SURAT PAULUS NGAN SIDANG RUM 5:8

Bang inah jalan Allah pepoléng penika Néh ngan uleu', uban lem lu' pu'un maneu' penyala' keto, inah Kristus matai ngeliwah uleu'.

2 KORINTUS 7:11

Tuhan pakai kekat kebesau keh inah ngepaléu éh jian, uban neu' kebesau keh inah, inah éh mihin keh jam seruh ngan maneu' keh mekat mu'un pekelenaa' kekat penganeu' keh rai bé' éh sala'. Jelua' ka'ah kelatan kenin menéng ha' ké', ngan jelua' kepéh merek ngan medai, ngan maneu' keh tawai kenin juk alaa' akeu' kepéh, ngan pu'un éh pebetéé' pengelan keh kepéh juk ngukum kelunan éh sala'. Dalem kekat penusah rai pu'un keh pepoléng ka'ah bé' pu'un sala'.

1 TIMOTIUS 1:15

Teneng mu'un ha' iteu' ngan tekep kelunan alaa' éh ngan ngelan éh, ka' éh, Kristus Yésus tuai tong tana' teu' ke' Néh omok purip kelunan. La'ah akeu' éh pelapah sa'at jin kekat kelunan béé éh pu'un penyala'.

IBRANI 4:16

Uban néh kenat mai lu' medai bang jian lu' tai tavin Allah ke' Néh omok pika lu'. Hun lu' tavin Éh adang Néh masi lu' lem kekat pengekurang lu' ngan pika ngan nolong lu' siget koléé' lu' teneng penusah.

IBRANI 8:12

Hun réh maneu' penyala' adang Akeu' pika réh, ngan bé' Akeu' mihau kesa'at réh kepéh, ha' Néh.