LUKAS 18:12 - Rengah Jian

¹² Siget migu duah koléé' ku' kelaset awah, tong kekat ineu'-ineu' éh nalaa' ké', pu'un ku' ngelayau mena' tulat poloo' ngan ko', ha' kelunan éh kivu adet Parisi nah.

LUKAS 18:12 Iomraidhean Croise

MATIUS 5:20

Akeu' bara' mu'un ngan keh, hun penganeu' keh bé' pelapah teneng jin kekat penganeu' irah guru éh nebaraa' keh tong sohoo' lem Surat Musa, ngan jin penganeu' irah éh kivu adet Parisi, adang keh bé' omok tai lem nihau Allah, ha' Néh.

MATIUS 6:1

Ha' Yésus kepéh, Mavaa' keh, mai keh maneu' kekat penganeu' keh tong sebayang dokoo' kelunan pinaa' na'at keh awah. Hun keh maneu' éh kenat awah, bé' keh omok alaa' oléé' jin Tamen keh éh tong seruga.

MATIUS 6:16

Ha' Yésus kepéh, Hun keh kelaset mai keh semilep da'in barei'-okoo' kelunan éh ngelayoo' uban irah éh semilep da'in nah dokoo' kelunan éh jah omok jam réh kelaset awah. Akeu' bara' mu'un ngan keh, pu'un réh lepah alaa' oléé' néh tenéh.

MATIUS 6:5

Ha' Yésus kepéh, La'ah hun keh sebayang, mai keh sebayang barei' kelunan éh ngelayoo' awah, éh keloo' nekedéng sebayang tong lamin sebayang irah Yahudi ngan tong jalan pebelih péh, dokoo' irah éh jah omok na'at éh. Akeu' bara' mu'un ngan keh, laa' réh oléé' néh tenéh.

MATIUS 9:14

La'ah irah bakéh Yohanes Batis tuai tavin Yésus ke' réh neteng éh, ka' ha' réh, Uban ineu' améé' ngan kelunan Parisi péh ngelayau kelaset awah, bang irah bakéh ko' bé' réh kelaset, ha' réh.

LUKAS 11:42

Tusah mu'un ka'ah kelunan Parisi, uban malai keh petulat kekat éh tong pulah keh, avéé' buaa' éh si'ik barei' buaa' selasih ngan buaa' inggu ngan kekat tong éh si'ik kenat. Malai keh petulat éh ngan mena' éh ngan Allah, bang tong keh maneu' kekat éh pejek ngan kelunan ngan tong penika Allah bé' keh maneu' éh. Hun keh maneu' éh pejek ngan éh teneng tong penika Allah tenah, inah éh pelapah jian. Jian keh maneu' kenat, bang mai keh ngelapah tong éh jah nah.

LUKAS 17:10

Kenat péh ka'ah, hun keh lepah maneu' éh sohoo' Tuhan ngan keh, jian keh bara' ka', Améé' kelunan éh sohoo' awah, adang tekep mé' maneu' kekat inah, ha' Yésus nah.

SURAT PAULUS NGAN SIDANG RUM 3:27

Hun néh kenat bé' pu'un ineu' kejian uleu' éh kelu' omok ngajung usah lu'. Bé' lu' omok jian kepéh ngan Allah uban neu' lu' kivu sohoo' lem Surat Musa, bang neu' pengelan lu' tong Yésus Kristus inah ke' lu' omok jian kepéh ngan Allah.

1 KORINTUS 1:29

Uban Iah ngevéléé' réh kenat, bé' pu'un jah-jah usah péh éh omok ngajung usah néh tong jumen Tuhan Allah.

GALATIA 1:14

La'ah tong adet irah Yahudi, akeu' éh pelapah jam éh jin kekat kelunan éh pekua' tatek urip ké' jin belah pohoo' ké' tengéé', uban akeu' mekat mu'un kivu kekat adet ngan ha' tukit jin tepun ké'.

ÉPESUS 2:9

Bé' keh omok ngajung usah keh, uban bé' keh pu'un pelepu jin ukum penyala' neu' ineu'-ineu' éh penganeu' keh.

1 TIMOTIUS 4:8

Hun lu' tupat pekalai alaa' kegahang usah lu', pu'un gunah néh si'ik awah, bang hun lu' pekalai alaa' kegahang dalem kenin lu', boh éh gunah mu'un, uban pu'un gunah néh lem urip lu' hun iteu', kenat péh lem urip lu' kepéh.