LUKAS 17:33 - Rengah Jian

³³ Kelunan séé'-séé' murip kivu kenin néh tengéé', bé' éh pu'un urip mu'un, bang kelunan éh bet kekat pengeloo' néh tengéé' ke' néh kivu kenin Tuhan, inah éh pu'un urip mu'un.

LUKAS 17:33 Iomraidhean Croise

MATIUS 10:39

Kelunan éh seruh juk mihau urip néh tong tana' awah, tawang urip néh inah, kenat péh kekat pengeloo' néh kepéh. Bang kelunan éh bet kekat pengeloo' néh tengéé' ke' néh ngajung Akeu' dalem kekat penganeu' néh, kelunan inah éh omok murip mu'un, ha' néh.

MATIUS 16:25

Kelunan éh seruh juk mihau urip néh tong tana' awah, tawang urip néh inah, kenat péh kekat pengeloo' néh kepéh. Bang kelunan éh bet kekat pengeloo' néh tengéé' ke' néh ngajung Akeu' dalem kekat penganeu' néh, kelunan inah éh omok murip mu'un.

LUKAS 17:34

Akeu' bara' ngan keh, tong merem savéé' Néh, pu'un duah lakei' pata pegen, jah usah éh nalaa' Tuhan, jah usah nebet Néh.

YOHANES 12:25

Séé'-séé' éh mihau urip néh tengéé', tawang urip néh inah. Bang séé'-séé' éh bé' seruh mihau urip néh tengéé' tong tana' iteu', inah éh pu'un urip pelinguh.

ÉH POLÉNG 2:10

Mai ke' medai tong pengeketa éh bé' lebéé' la'ah juk teneng tong ke'. Nesen ke'! Adang Sitan juk tupat ke'. Adang iah ngamit ngan masek kuraa'-kuraa' usah jin belah keh lem lamin tutup. Adang keh teneng pengeketa kelebbéé' jah poloo' dau. Jian keh tigéh tong Akeu' pah avéé' matai, ngan adang akeu' mena' urip pelinguh ngan keh uban keh lepah menang.