LUKAS 17:30 - Rengah Jian

³⁰ Kenat péh éh pu'un sioo' savéé' Anak Kelunan tuai kepéh.

LUKAS 17:30 Iomraidhean Croise

MATIUS 16:27

Uban Anak Kelunan juk tuai lem kekat pengaren Tamen Néh ngan meliket Néh, ngan mena' oléé' siget usah pekua' barei' penganeu' réh tong tana'.

MATIUS 24:3

La'ah hun Yésus mokoo' tengéé' tong tokong Saitun, pu'un irah bakéh néh neteng éh, Kineu' kelebéé' ke' néh pu'un kenat da'? Kineu' jalan mé' omok jam éh jaka' Guru juk tuai kepéh, kineu' jalan mé' omok jam pengega' tana' nah, ha' réh.

MATIUS 24:37

Tovoo' Anak Kelunan tuai kepéh pu'un éh barei' hun Noh murip tong tana' sahau.

MATIUS 24:39

Bé' irah nesen éh, bé' irah jam seruh, pah avéé' baa' pu'un ja'au ngan irah béé matai menyet neu' baa' inah. Barei' inah péh hun Anak Kelunan pu'un tuai,

MATIUS 26:64

Ha' Yésus mipa éh, Kenat néh éh. Bang inah Akeu' bara' ngan kekat ka'ah béé, jin la'o iteu' ka'ah pu'un na'at Anak Kelunan mokoo' saa' na'au' Allah éh Ja'au Penyukat ngan na'at éh kepéh hun néh tuai lem avun jin seruga, ha' néh.

MARKUS 13:26

Boh Anak Kelunan pu'un avéé' lem jah avun ngan kekat penyukat ngan pengaren Néh kepéh.

LUKAS 17:24

Barei'-okoo' kelat kela'ap tioo poléng tong langit, kenat péh savéé' Anak Kelunan kepéh,

LUKAS 17:29

pah avéé' dau Lut musit jin leboo' Sodom. Boh luten pu'un ngan tengah néh tuai jin langit mematai réh béé.

LUKAS 21:22

Uban sioo' inah, inah sioo Tuhan ngukum réh, dokoo' néh pesukup ha' lem surat Tuhan.

LUKAS 21:27

La'o inah Anak Kelunan pu'un avéé' lah lem jah avun ngan kekat penyukat ngan pengejian Néh kepéh.

1 KORINTUS 1:7

avéé' ka'ah bé' pu'un kurang dalem ineu'-ineu' pengena' Néh kelebéé' keh mena Tuhan Yésus Kristus tuai kepéh.

1 KORINTUS 1:8

La'ah Iah omok ngereken keh pah avéé' tong ga', dokoo' ka'ah bé' pu'un teneng kenukum Néh, tovoo' savéé' Néh.

KOLOSÉ 3:4

Urip keh mu'un inah éh Kristus, ngan hun Iah pu'un poléng kepéh, ka'ah péh pu'un poléng pemung ngan Néh ngan tai pemung ngan Néh lem kekat pengaren Néh.

2 TESALONIKA 1:7

ngan Iah mena' pawah ngan ka'ah éh jam tusah hun iteu' nah, kenat péh tong améé' péh. Iah pu'un maneu' éh kenat tovoo' Tuhan Yésus pu'un tuai jin seruga, pemung ngan kekat meliket Néh éh maren

1 PÉTERUS 1:13

Uban néh kenat jian keh ngelayau petenup, mavaa' mu'un-mu'un ngan pu'un pengepelum penoo' tong pengejian éh juk nena' ngan keh tovoo' Yésus Kristus tuai kepéh.

1 PÉTERUS 1:7

Kekat inah dokoo' pepoléng hun keh ngelan mu'un tong Tuhan hun néh bé' péh. Mas éh omok tasa' péh, penarem palaa' luten. Uban kenat pengelan keh éh pelapah jian jin Mas péh tekep penarem, dokoo' néh makin reken. Hun néh kenat, hun mah Yésus Kristus tuai kepéh, ka'ah omok alaa' kenajung, kemaren ngan penyepah jin Allah.

1 PÉTERUS 4:13

Bang jian ka'ah murung kenin uban keh pu'un pemung ngan Kristus dalem pengeketa Néh. Uban barei' ka'ah pu'un pemung ngan Néh dalem pengeketa Néh hun iteu', kenat péh ka'ah omok murung hun Néh tuai lem kekat pengaren kepéh.

1 YOHANES 2:28

O kekat anak ké', jian keh murip petem dalem Kristus, dokoo' tovoo' Iah pu'un tuai kepéh, uleu' omok makang kenin temeu' ngan Néh ngan bé' pu'un medai ngan menyaa'.

1 YOHANES 3:2

O kekat padéé' éh kemurung ké', hun iteu' uleu' lepah paléu anak Allah, bang pengepaléu lu' kepéh vam, bé' lu' omok jam éh. Bang éh kejam lu' mu'un, inah éh, hun Kristus pu'un tuai kepéh uleu' omok paléu pekua' Iah, hun inah boh lu' na'at Iah ngan lenaa' mu'un.

ÉH POLÉNG 1:7

Na'at keh, pu'un Éh tuai lem avun. Adang kekat kelunan pu'un na'at Éh, pah avéé' irah éh muja' Éh rai péh pu'un na'at Éh. Pinaa' arong kelunan pah tipo tana' besau kenin na'at savéé' Néh. Oo' adang néh pu'un kenat! Amin.