LUKAS 17:3 - Rengah Jian

³ Mavaa' keh jian-jian. Hun padéé' ko' maneu' penyala', jian ke' tai meta' éh, hun néh pekoléé' kenin, jian ke' mega' penyala' néh.

LUKAS 17:3 Iomraidhean Croise

MATIUS 18:21

Boh Péterus tuai tavin Yésus ngan neteng éh, ka' ha' néh, O Tuhan, hun padéé' ké' maneu' éh bé' teneng ngan ngesa'at kenin ké', kuraa' koléé' ku' tekep pika éh awah ngan mega' penyala' néh? Kineu', avéé' tujuu' koléé', ha' Péterus ngan néh.

LUKAS 21:34

Ka' ha' Yésus kepéh, Seruh keh jian-jian, mai keh telalau kuman nyahan mesep pah avéé' keh mavuk, ngan mai keh taleu neu' penusah éh pu'un tong tana', dai Tuhan beleka' avéé' lem keh bé' nerepan éh.

ÉPESUS 5:15

Uban néh kenat seruh keh jian-jian tong kekat pengurip ngan barék keh, mai keh murip barei' kelunan éh bé' jam seruh, bang jian keh barei' kelunan éh jam seruh.

IBRANI 12:15

Mavaa' keh dai pu'un kelunan bet Allah éh na' penika Néh ngan lu'. Mai pu'un séé'-séé' péh éh barei' pulah éh petuh, éh maneu' pinaa' penusah ngan éh ngesa'at kelunan palaa' katah néh.

YAKUB 5:19

O kekat padéé' ké', hun néh pu'un jah kelunan belah kéh éh petat jin jalan éh teneng, boh pu'un jah usah tai mihin éh moléé' tong Allah,

2 YOHANES 1:8

Uban néh kenat, mavaa' keh dai kekat ha' tebaraa' éh lepah benara' mé' ngan keh rai pu'un metat awah. Jian keh ngerakep dokoo' keh omok alaa' oléé' éh penoo' mu'un jin Allah.