LUKAS 17:13 - Rengah Jian

¹³ ngan ngeradau, ha' réh, O Yésus, O Guru, jian ke' pika améé', ha' réh.

LUKAS 17:13 Iomraidhean Croise

MATIUS 15:22

La'ah tuai jah redo jin tana' Kana'an tavin éh. Ka' ha' redo inah ngan néh, O lakei' ja'au, Anak Daud, jian ke' pika akeu'. Anak ké' éh redo pu'un éh nasek balei', keta mu'un-mu'un éh neu' balei' inah, ha' néh.

MATIUS 9:27

Lakau Yésus piso jin sinah inah duah kelunan peseu' kivu éh. La'ah rawah ngeradau, ha' roh, O Anak Daud, ko' pika amo, ha' roh.

MARKUS 9:22

Pinaa' koléé' balei' nah nguba' éh tong luten ngan tong baa' péh ke' néh juk mematai éh, ko' pika améé', nolong mé', ha' néh.

LUKAS 17:14

Hun Yésus na'at irah, pelapah Éh pané ngan réh, ka' ha' Néh, Jian keh tai tavin imam ke' néh omok na'at usah keh, ha' Néh. Lem réh lakau juk tai sohoo' Néh nah, ma'o lah réh jin kesakit réh.

LUKAS 5:5

Ha' Simon mipa éh, O Guru, putung merem améé' ngejala' avéé' mé' lekasan mu'un, bang jah usah péh seluang bé' éh pu'un nalaa' mé'. Na' péh kenat uban Ko' nyohoo' ku' tai kepéh, tai ke' ku' dat, ha' néh.