LUKAS 17:1 - Rengah Jian

¹ La'ah ka' ha' Yésus ngan irah bakéh Néh kepéh, Adang pinaa' arong-arong jalan éh mihin kelunan maneu' penyala', bang tusah mu'un-mu'un tong kelunan éh mihin réh maneu' penyala' kenat.

LUKAS 17:1 Iomraidhean Croise

MATIUS 16:23

Boh Yésus pupah ke' néh pané ngan Péterus, ka' ha' néh, Kelap ke' Sitan, Ka'au' juk mapat jalan Ké' awah, kekat penyeruh ko' inah, bé' éh jin Allah, jin tana' iteu' awah éh, ha' néh.

MATIUS 18:7

Pika kelunan tong tana' iteu' uban pinaa' arong-arong jalan éh omok pepetat réh. Adang néh pu'un kenat, bang pika kelunan éh mihin réh petat kenat, uban ja'au mu'un penusah tong iah.

LUKAS 16:31

Bang ha' Abraham ngan néh, Hun réh bé' keloo' menéng ha' Musa ngan ha' irah nabi, na' péh kelunan pu'un betéé' jin patai néh, adang irah bé' keloo' menéng éh, ha' Abraham, ha' Yésus.

SURAT PAULUS NGAN SIDANG RUM 14:13

Uban néh kenat mai lu' pesala' jah usah ngan jah usah kepéh, bang inah éh jian, mai maneu' ineu'-ineu' éh omok mihin padéé' keh dalem Tuhan petat ngan maneu' penyala'.

SURAT PAULUS NGAN SIDANG RUM 16:17

O kekat padéé' ké' akeu' nyohoo' ka'ah jian keh mavaa' dai pu'un kelunan tuai mihin tebaraa' éh petawang kelunan ngan pepetat réh jin pengelan réh tong Tuhan, éh bara' jah ha' tebaraa' éh tengéé' jin éh benara' ké' ngan keh rai. Jian ka'ah ngelepat jin irah.

1 KORINTUS 10:32

Dalem kekat pengurip keh, mai keh maneu' ineu'-ineu' éh omok petusah kenin irah Yahudi kenat péh petusah kenin irah éh tengéé' pohoo', kenat péh petusah sidang Allah péh.

1 KORINTUS 11:19

Adang néh tekep jelua' jin belah ka'ah pu'un tengéé' kenin dokoo' pepoléng séé' kelunan éh tigéh.

1 KORINTUS 8:13

Uban néh kenat hun néh neu' ka'an kinan ké' inah mihin padéé' ké' petat, bé' mu'un akeu' keloo' kuman ka'an inah kepéh, dai akeu' mihin padéé' ké' petat maneu' penyala'.

1 TIMOTIUS 4:1

La'ah Sahéé' Ni'ai pu'un bara' lenaa' mu'un, sioo' tai ga' tana' adang pu'un kuraa' kelunan petat jin pengelan réh tong Kristus avéé' réh kivu kuraa'-kuraa' ha' tebaraa' sahéé' éh petawang ngan tebaraa' sahéé éh sa'at.

ÉH POLÉNG 2:14

Bang pu'un pengekurang ko', uban jelua' keh pu'un kivu ha' tebaraa' Bileam éh nebaraa' Balak tong jalan néh mihin kelunan Israel maneu' penyala' neu' réh kuman ka'an éh nena' réh ngan butun, ngan neu' réh petuyang ngan maneu' kuraa'-kuraa' barék éh sa'at.

ÉH POLÉNG 2:20

Bang jah awah éh kurang tong ke', uban ko' peturut Isebél redo éh bara' iah senohoo' Allah nebaraa' irah éh anah ke'. Palaa' ha' tebaraa' néh iah petawang irah éh sohoo' ké' pah avéé' irah maneu' penganeu' éh segit ngan kuman penguman éh lepah nena' réh ngan butun.