LUKAS 16:9 - Rengah Jian

⁹ Ka' ha' Yésus ngan réh kepéh, Jian keteleu' pakai pengekaya' jin tana' iteu' dokoo' kelunan inah omok ngebakéh keh kepéh. Hun pengekaya' jin tana' lepah béé, boh irah omok alaa' keh ngan jian kenin tong lamin éh pu'un pelinguh.

LUKAS 16:9 Iomraidhean Croise

MATIUS 19:21

Ha' Yésus ngan néh, Hun ko' juk alaa' kenin éh jian mu'un, jian ke' tai melih kekat livah ko' ngan mena' kekat rigit ko' ngan kelunan kari, boh ke' pu'un pengekaya' tong seruga. La'o ko' maneu' kekat inah, jian ke' tuai kivu Akeu', ha' néh.

MATIUS 6:19

Ha' Yésus kepéh, Mai keh pitah pengekaya' tong tana' éh omok kinan lipah ngan éh omok tedéng, kelunan péh omok ngerekah lamin inah ke' néh nekau éh.

MATIUS 6:24

Ha' Yésus kepéh, Jah kelunan sohoo' bé' éh omok alaa' duah kelunan pengeja'au néh, adang néh leko tong jah nah ngan murung jah nah awah, adang néh kivu sohoo' jah usah nah ngan bet ha' jah nah awah. Kenat péh ka'ah, bé' keh omok alaa' Allah pengeja'au keh pemung ngan pengekaya' tong tana' iteu'.

LUKAS 11:41

Jian keh mena' kekat éh pu'un lem sawan ngan pigan keh ngan kelunan kari, boh kekat inah pu'un mebéng, ha' Néh ngan réh.

LUKAS 12:33

Jian keh melih kekat livah keh, ngan kekat rigit éh nalaa' keh tong néh, jian keh mena' éh ngan kelunan kari. Jian keh alaa' bék éh bé' jam mupuk, inah éh pengekaya' tong seruga, pengekaya' inah bé' éh omok béé, uban kelunan nekau bé' éh omok tai sinah ngan nekau éh, kenat péh lipah, bé' éh omok kuman éh.

LUKAS 14:14

boh ke' jian, uban bé' irah omok maneu' ineu'-ineu' éh ke' réh mena' ngan ko' kepéh. Tovoo' Tuhan metéé' kelunan jian jin patai réh, boh Tuhan pu'un mena' oléé' néh ngan ko' kepéh, ha' Néh.

LUKAS 16:11

Kenat péh hun keh bé' tigéh tong jalan keh pakai kekat livah keh tong tana' iteu', kineu' jalan keh omok alaa' pengekaya' éh kaya' mu'un.

LUKAS 16:13

Jah usah bé' omok kivu sohoo' duah kelunan, adang iah leko tong éh keruwah nah ngan murung tong jah nah awah, ngan kivu sohoo' iah éh jah nah, ngan bet sohoo' éh keruwah nah. Bé' ka'ah omok kivu Allah hun pengeja'au kenin keh tong rigit awah, ha' Yésus ngan réh.

LUKAS 16:4

Jam ku' dat, hun pengeja'au ké' bet akeu' da', boh ku' maneu' jah jalan dokoo' kelunan éh jah omok bakéh ké' ngan alaa' akeu' tong lamin néh kepéh, kelem néh.

PENGANEU' LAWAH 10:31

ka' ha' néh ngan ké', O Kornelius, kekat ha' sebayang ko' ngan kekat penganeu' ko' ngan kelunan kari, Allah lepah jam éh ngan Iah juk mipa ha' sebayang ko'.

PENGANEU' LAWAH 10:4

Medai mu'un-mu'un éh na'at meliket nah. Ka' ha' néh ngan meliket nah, O lakei' ja'au, ineu' juk neu' ko', ha' néh. Ka' ha' meliket nah kepéh, Kekat ha' sebayang ko' ngan kekat penganeu' ko' ngan kelunan kari, Allah lepah jam éh, ngan Iah juk mipa ha' sebayang ko'.

2 KORINTUS 4:17

Uban penusah ngan pengeketa lu' iteu', barei' si'ik awah éh ngan metok awah, pu'un éh mihin uleu' alaa' pengaren éh ja'au ngan éh pelinguh, éh pelapah ja'au kepéh jin kekat penusah lu'.

YUDAS 1:21

Jian keh murip ra' nihau penika Allah kelebéé' keh mena pengasi Tuhan lu' Yésus Kristus, éh juk mena' ngan keh urip mu'un ngan pelinguh.