LUKAS 16:31 - Rengah Jian

³¹ Bang ha' Abraham ngan néh, Hun réh bé' keloo' menéng ha' Musa ngan ha' irah nabi, na' péh kelunan pu'un betéé' jin patai néh, adang irah bé' keloo' menéng éh, ha' Abraham, ha' Yésus.

LUKAS 16:31 Iomraidhean Croise

LUKAS 16:30

Bang ha' lakei' kaya' kepéh, O Amam Abraham, bé' réh omok kenat, bang hun néh pu'un jah kelunan éh lepah matai betéé' tai tavin réh kepéh, adang réh omok menéng ha' néh ngan piso jin penyala' réh, ha' néh.

LUKAS 17:1

La'ah ka' ha' Yésus ngan irah bakéh Néh kepéh, Adang pinaa' arong-arong jalan éh mihin kelunan maneu' penyala', bang tusah mu'un-mu'un tong kelunan éh mihin réh maneu' penyala' kenat.

YOHANES 5:47

Bang hun keh bé' ngelan tong kekat ha' éh senurat Musa nah, kineu' jalan keh omok ngelan tong ha' Ké' kepéh, ha' Yésus nah.

PENGANEU' LAWAH 19:8

La'ah tai Paulus tong lamin sebayang Yahudi, ngan makang kenin néh nebaraa' réh avéé' teleu' laséh kelebéé' ke' néh pekejam réh tong Allah éh pengeja'au.

PENGANEU' LAWAH 26:28

Ka' ha' Agripa kepéh, Neu' ha' ko' éh kerat kenat, pu'un ke' seruh ke' omok maneu' akeu' kelunan Kristén, ha' néh.

PENGANEU' LAWAH 28:23

La'ah pu'un réh maneu' jajii' ngan Paulus, avéé' tong sukup jajii' inah pinaa' mu'un kelunan tuai tavin éh tong lamin jalan néh mokoo' nah. La'ah jin dau ngivun avéé' dau merem pu'un éh pekelenaa' kekat ha' tebaraa' néh ngan réh tong Pengihau Allah. Gahang mu'un éh juk mihin réh nesen tong Yésus, kenat péh éh nebaraa' réh jin Surat Musa ngan jin surat irah nabi.

2 KORINTUS 4:3

Bang hun rengah Tuhan éh benara' mé' nah pu'un pelim, pu'un éh pelim kenat tong kelunan éh tawang.

2 KORINTUS 5:11

Uban améé' jam tong kemerek Tuhan tong kelunan éh maneu' penyala', inah améé' gahang kenin juk mihin réh ngelan tong Iah. Allah éh jam kekat éh lem kenin mé', ngan akeu' ngelan ka'ah péh pu'un jam éh kenat.