LUKAS 16:30 - Rengah Jian

³⁰ Bang ha' lakei' kaya' kepéh, O Amam Abraham, bé' réh omok kenat, bang hun néh pu'un jah kelunan éh lepah matai betéé' tai tavin réh kepéh, adang réh omok menéng ha' néh ngan piso jin penyala' réh, ha' néh.

LUKAS 16:30 Iomraidhean Croise

LUKAS 13:3

Bé' éh kenat. Bang Akeu' bara' ngan keh, hun keh bé' piso jin penyala' keh, ka'ah péh matai béé pekua' irah inah ri'.

LUKAS 13:5

Bé' éh kenat. Bang Akeu' bara' ngan keh kepéh, hun keh bé' piso jin penyala' keh, adang ka'ah péh matai béé pekua' irah inah ri', ha' néh.

LUKAS 16:24

Boh éh mejui, ka' ha' néh, O tamen ké' Abraham, jian ke' pika akeu', ko' nyohoo' Laserus nah tuai ke' néh omok tilan buaa' ojoo' néh lem baa' ngan tilan éh tong jela' ké' kepéh ke' néh ngenin jela' ké', keta mu'un-mu'un ku' lem luten iteu', ha' néh.

LUKAS 16:31

Bang ha' Abraham ngan néh, Hun réh bé' keloo' menéng ha' Musa ngan ha' irah nabi, na' péh kelunan pu'un betéé' jin patai néh, adang irah bé' keloo' menéng éh, ha' Abraham, ha' Yésus.

LUKAS 19:9

La'ah ka' ha' Yésus kepéh, Dau iteu' irah tong lamin iteu' pu'un alaa' urip, la'ah lakei' inah iah péh jah anak jin pohoo' Abraham, éh pohoo' Yahudi.

LUKAS 3:8

Jian keh maneu' barék keh teneng, inah éh pepoléng keh lepah nelikut jin kekat kesa'at keh. Boh keh omok kelap jin ukum inah. Mai keh bara' ka', Abraham éh tepun améé', ha'. Mai keh ngelan tong inah. Uban Allah pu'un penyukat Néh, bateu' péh ke' Néh suai malui anak, éh anak-ayam Abraham, omok éh.