LUKAS 16:24 - Rengah Jian

²⁴ Boh éh mejui, ka' ha' néh, O tamen ké' Abraham, jian ke' pika akeu', ko' nyohoo' Laserus nah tuai ke' néh omok tilan buaa' ojoo' néh lem baa' ngan tilan éh tong jela' ké' kepéh ke' néh ngenin jela' ké', keta mu'un-mu'un ku' lem luten iteu', ha' néh.

LUKAS 16:24 Iomraidhean Croise

MATIUS 25:41

Ha' Yésus kepéh, La'o Raja' pané kenat ngan irah éh saa' na'au' néh nah, boh éh juk pané ngan irah éh saa' kabéng néh kepéh. Ka' ha' néh ngan réh da', Kelap keh jin akeu' ka'ah éh kenukum Allah. Tai keh tong luten meraka éh petenup neu' Tuhan ngan Sitan ngan kekat meliket néh.

MATIUS 3:9

Mai keh ngelan tong ha' keh éh bara', Abraham éh tamen améé'. Mai keh seruh Tuhan juk pepurip keh uban keh pohoo' anak Abraham, akeu' bara' ngan keh, Allah éh pu'un penyukat ngepaléu kekat bateu' iteu' malui anak Abraham, ha' néh.

MATIUS 5:22

Bang iteu' éh ha' Ké' ngan keh hun iteu' kepéh, séé'-séé' éh merek ngan padéé' néh adang iah teneng ukum. La'ah séé'-séé' éh bara' ngan padéé' néh, putau ka'au', pu'un réh mihin éh tai jumen Komiti sebayang Yahudi, ngan séé'-séé' éh bara' padéé' néh tuleu', tekep éh mavaa' uban neu' ha' néh kenat, tekep iah nebet tai lem luten meraka.

LUKAS 16:30

Bang ha' lakei' kaya' kepéh, O Amam Abraham, bé' réh omok kenat, bang hun néh pu'un jah kelunan éh lepah matai betéé' tai tavin réh kepéh, adang réh omok menéng ha' néh ngan piso jin penyala' réh, ha' néh.

LUKAS 19:9

La'ah ka' ha' Yésus kepéh, Dau iteu' irah tong lamin iteu' pu'un alaa' urip, la'ah lakei' inah iah péh jah anak jin pohoo' Abraham, éh pohoo' Yahudi.

LUKAS 3:8

Jian keh maneu' barék keh teneng, inah éh pepoléng keh lepah nelikut jin kekat kesa'at keh. Boh keh omok kelap jin ukum inah. Mai keh bara' ka', Abraham éh tepun améé', ha'. Mai keh ngelan tong inah. Uban Allah pu'un penyukat Néh, bateu' péh ke' Néh suai malui anak, éh anak-ayam Abraham, omok éh.

YOHANES 4:10

Ka' ha' Yésus mipa éh, Hun ko' jam tong pengena' Allah, ngan jam tong Akeu' éh menyat baa' ngan ko' nah, adang ko' pu'un menyat jin Iah, boh Iah pu'un mena' baa' éh purip ngan ko', ha' Néh.

YOHANES 4:14

bang séé'-séé' éh mesep baa' éh nena' Ké', bé' éh omok mapeu' batok kepéh la'. Uban baa' éh nena' Ké' ngan néh pu'un éh lem néh, barei'-okoo' usit baa' éh bé' jam metei', éh omok mena' urip éh pelinguh ngan néh, ha' Néh.

YOHANES 7:37

Avéé' tong ga' dau tong dau ja'au inah, éh dau éh pelapah ja'au mu'un, tong dau inah, Yésus nekedéng ngan pané ngan ja'au ha', séé'-séé' éh mapeu' batok, jian éh tuai tavin Akeu' ngan mesep.

SURAT PAULUS NGAN SIDANG RUM 4:12

Barei' inah kepéh Abraham nah seleket tepun kekat kelunan pohoo' Yahudi éh kivu adet sunat bang pengelan réh pu'un tong Allah barei' Abraham hun néh to bé' pesunat nah rai.

2 TESALONIKA 1:8

dalem luten éh nengah, ke' Néh ngukum kekat kelunan éh bé' jam Allah, ngan kekat kelunan éh bé' kivu Rengah Jian tong Yésus éh Tuhan lu'.

YAKUB 2:13

Uban tovoo' Allah pu'un petuneng kelunan, bé' éh omok pika kelunan éh bé' pika irah éh jah. Bang kelunan éh pika irah éh jah, bé' éh kenukum Allah.

YAKUB 3:6

Jela' lu' barei luten. Tong usah lu', jela' lu' barei' jah tana' éh penoo' neu' kesa'at, ngan éh mihin kesa'at inah tai pah tipo usah motong ketem lo'ong urip lu' palaa' luten éh tuai jin luten meraka.

ÉH POLÉNG 19:20

La'ah kamit réh ka'an inah pemung ngan iah éh ngelayoo' nabi, éh pu'un maneu' kuraa'-kuraa' arong éh tejeu' tong jumen néh lepah nah. Pu'un éh ngelavo' irah éh pu'un telana' ka'an inah, ngan irah éh seva' butun éh pekua' layan ka'an inah, neu' kuraa'-kuraa' penganeu' néh éh tejeu' ta'an réh. Ka'an nah ngan iah éh bara' iah tuai sohoo' Tuhan bang bé' éh sohoo' Néh, nebet réh ketem murip lem Bawang luten éh mahang pemung ngan éh letéé' éh pana' mu'un.

ÉH POLÉNG 20:15

Séé'-séé' éh bé' pu'un ngaran lem surat ngaran irah éh pu'un urip maréng pu'un Tuhan bet réh lem bawang luten nah.

ÉH POLÉNG 22:1

La'ah meliket nah nojoo' baa' ja'au éh baa' éh purip kelunan, mening mu'un éh. Baa' inah musit jin nyun éh jalan Allah, ngan Anak Domba nah mokoo' ke' roh Raja.