LUKAS 16:17 - Rengah Jian

¹⁷ Na' péh kelunan perengah Rengah Jian tong Allah éh Pengeja'au, bé' pu'un jah ha' tebaraa' Musa éh lepah nah pu'un béé. Kenat péh pelapah lumang langit ngan tana' pu'un béé, jin jah sohoo' lem Surat Musa pu'un béé, ha' Néh.

LUKAS 16:17 Iomraidhean Croise

MATIUS 5:18

Akeu' bara' ngan keh, kelebéé' langit ngan tana' iteu' pu'un keto, jah ineu'-ineu' péh sohoo' Tuhan lem Surat Musa, na' péh éh si'ik awah, bé' éh omok nebet awah pah avéé' hun Tuhan pesukup kekat pengeloo' Néh éh lem sohoo' Néh inah.

LUKAS 21:33

Langit ngan tana' juk salai béé, bang kekat ha' tebaraa' ké', adang néh pu'un petem kenat mu'un, ha' Yésus nah.

SURAT PAULUS NGAN SIDANG RUM 3:31

Hun néh kenat kineu' lu' da', tekep lu' bet Surat Musa ngan ngelan tong Yésus awah. Bé' makat lu' tekep bet éh, tekep lu' mihau kekat tebaraa' inah pemung ngan pengelan lu' tong Yésus.

1 PÉTERUS 1:25

Bang ha' tebaraa' Tuhan pu'un pelinguh. Ngan ha' tebaraa' néh inah, inah éh Rengah Jian éh benara' réh ngan keh rai.

2 PÉTERUS 3:10

Bang Dau savéé' Tuhan inah, iah tioo pu'un avéé' barei' kelunan éh nekau. Tovoo' Dau inah langit pu'un béé pemung ngan ha' éh ja'au mu'un, ngan kekat éh tong langit péh pu'un potong béé. La'ah tana' iteu' ngan kekat éh pu'un tong néh juk salai béé.

ÉH POLÉNG 20:11

La'ah akeu' na'at jah nyun ja'au éh mebéng ngan Iah éh menyun tong néh. Langit ngan tana' piso jin jumen Néh, avéé' néh bé' poléng la'ah.

ÉH POLÉNG 21:1

La'ah ta'an ké' langit éh maréng ngan tana' éh maréng. Langit éh bu'un ngan tana' éh bu'un bé' pu'un La'ah, ngan baa' banget péh salai.

ÉH POLÉNG 21:4

Iah juk mitit baa' maten réh. Pematai péh bé' pu'un la'ah, kenat péh kebesau, kangaa' ngan penyakit. Kekat éh jin sahau lepah salai béé.