LUKAS 16:16 - Rengah Jian

¹⁶ Ka' ha' Yésus kepéh, Pu'un kelunan kivu kekat ha' lem Surat Musa ngan kivu ha' lem surat éh senurat irah nabi sahau, pah avéé' tong pengurip Yohanes Batis rai, la'o inah kepéh Rengah Jian éh bara' tong jalan Allah pu'un Pengeja'au, inah kepéh perengah kelunan, ngan mekat mu'un réh pitah jalan ke' réh omok tai lem nihau Tuhan kenat.

LUKAS 16:16 Iomraidhean Croise

MATIUS 10:7

Jian keh bara' ngan réh ka', Danii' jaka' Allah pengeja'au ngan mihau keh, ha' keh ngan réh.

MATIUS 15:11

Bé' pu'un ineu'-ineu' éh jin kinan kelunan éh omok ngesa'at kenin néh, bang kekat éh musit jin kenin kelunan, inah éh ngesa'at kenin néh, ha' néh.

MATIUS 21:32

Uban Yohanes Batis rai pu'un éh tuai ke' néh bara' jalan éh ngepayoo' kenin Allah ngan ka'ah, bang bé' ka'ah ngelan ha' néh, bang irah éh alaa' sukai ngan irah redo éh petuyang, pu'un réh ngelan ha' néh. Na' péh keh jam irah inah pu'un ngelan, bé' keh piso kenin ngan ngelan tong éh benara' néh, ha' Yésus ngan réh.

MATIUS 3:2

Ka' ha' néh ngan réh, Jian keh piso jin penyala' keh uban lepah danii' jaka' Allah Pengeja'au, ha' néh.

MATIUS 4:17

Jin la'o Yésus tai leboo' Kapernaum, inah éh bu'un néh maneu' kereja' néh éh nebaraa' kelunan. Ka' ha' néh, Piso keh jin penyala' keh, uban jaka' Allah Pengeja'au lepah danii', ha' néh.

MATIUS 4:23

La'ah Yésus lakau tutuh tana' Galilia ke' néh nebaraa' réh dalem kekat lamin sebayang Yahudi. Pu'un éh bara' Rengah Jian tong Allah éh pengeja'au, ngan pu'un éh peka'o réh jin kekat arong kesakit ngan pengelemoo' usah réh.

MARKUS 1:14

La'o Yohanes Batis kenamit réh tong lamin tutup, Yésus tai tong tana' Galilia ke' Néh bara' Rengah Jian tong Allah ngan réh.

MARKUS 1:45

Bang kelunan inah tai éh bara' rengah inah ngan kelunan semah-semah péh. Uban néh kenat bé' Yésus omok merah lakau tong leboo' éh pinaa' kepéh. Iah mokoo' tong tana' linek, bang kelunan jin kuraa' leboo' awah éh tai tavin éh sinah.

LUKAS 10:11

Agaa' tana' jin leboo' keh éh nyalit tong gem mé', inah améé' nepaga' éh, dokoo' keh jam ka'ah tengéé' ke' tagong penyala' keh. Bang nesen keh, dau iteu' pu'un Allah tavin keh ke' Néh juk Pengeja'au keh, bang pu'un ka'ah bet Éh awah, kenat ha' keh ngan réh.

LUKAS 10:9

Kelunan éh sakit tong leboo' inah, jian keh peka'o réh ngan jian keh bara' ngan réh, Danii' jaka' Allah Pengeja'au keh, ha' keh ngan réh.

LUKAS 16:29

Ha' Abraham kepéh, Bé' omok kenat, kekat padéé' ko' inah pu'un Surat Musa ngan pu'un surat irah nabi Tuhan sahau ke' réh omok jam jalan éh jian, omok irah menéng éh, ha' néh.

LUKAS 16:31

Bang ha' Abraham ngan néh, Hun réh bé' keloo' menéng ha' Musa ngan ha' irah nabi, na' péh kelunan pu'un betéé' jin patai néh, adang irah bé' keloo' menéng éh, ha' Abraham, ha' Yésus.

LUKAS 9:2

La'o inah Iah nyohoo' réh tai bara' tong jalan Allah pu'un Pengeja'au, ngan nyohoo' réh peka'o kelunan éh sakit.

YOHANES 1:45

Boh Pilipus tai pitah Natanael ke' néh bara' ka' ngan néh, Améé' lepah temeu' ngan Iah éh benara' Musa lem surat néh sahau, ngan éh benara' irah éh nabi. Kelunan éh nebaraa' réh inah, Yésus éh, Éh anak Yusup éh jin leboo' Nasaret, ha' Pilipus.

YOHANES 11:48

Hun uleu' kejeraa' Éh maneu' kenat, adang kekat kelunan ngelan tong Néh, boh peritah Rum pu'un tuai ngan nasa' umaa' Allah ngan kebéé pohoo' uleu' kepéh, ha' réh.

YOHANES 12:19

Hun irah Parisi jam irah pinaa' tai tavin Yésus kenat, pu'un réh pepané tong irah ke', ka' ha' réh, Kekat kelunan inah bé' irah kivu uleu' kepéh, nebet réh awah lu', kekat réh béé-béé tai tavin kelunan inah awah, ha' réh.

YOHANES 5:4

uban hun meliket tuhun tong baa' inah, boh baa' inah beri'ek. Kenat péh séé'-séé' éh tenah tuhun tong baa' inah la'o baa' nah beri'ek, pelapah éh ma'o jin kesakit néh.

PENGANEU' LAWAH 3:18

Bang lebéé' tenéh pu'un Allah bara' neu' kekat nabi Néh, Kristus éh tuai ke' Néh purip kelunan adang Néh juk jam keta. La'ah kekat éh neu' keh nah, inah éh pesukup ha' éh benara' Tuhan kenat nah.