LUKAS 16:15 - Rengah Jian

¹⁵ Ka' ha' Yésus ngan réh, Neu' kekat kereja' keh, ka'ah keloo' kelunan éh jah seruh keh kelunan éh jian, bang Allah jam kenin keh bé' éh kenat. Kekat éh pu'un gunah kunah kelunan, seleket dek awah éh tong ta'an Allah, ha' Néh.

LUKAS 16:15 Iomraidhean Croise

MATIUS 23:5

Kekat penganeu' réh pu'un éh neu' réh dokoo' kelunan omok na'at réh ngan mejing réh awah. Pekah ngan jong éh penakai réh jalan ayat surat Tuhan, pu'un réh maneu' éh ja'au. Inah kepéh, pu'un réh maneu' tapak seput réh pepurai kebit mu'un. Irah maneu' éh kenat dokoo' irah éh jah ngajung réh.

MATIUS 6:16

Ha' Yésus kepéh, Hun keh kelaset mai keh semilep da'in barei'-okoo' kelunan éh ngelayoo' uban irah éh semilep da'in nah dokoo' kelunan éh jah omok jam réh kelaset awah. Akeu' bara' mu'un ngan keh, pu'un réh lepah alaa' oléé' néh tenéh.

MATIUS 6:2

Bang hun keh mena' ineu'-ineu' ngan kelunan kari, mai keh mena' éh tong ta'an irah éh jah, barei' éh neu' réh tong lamin sebayang Yahudi ngan neu' réh tong jalan totoo' tong réh pebelih, dokoo' irah éh jah mejing réh. Akeu' bara' mu'un ngan keh, oléé' néh laa' réh tenéh.

MATIUS 6:5

Ha' Yésus kepéh, La'ah hun keh sebayang, mai keh sebayang barei' kelunan éh ngelayoo' awah, éh keloo' nekedéng sebayang tong lamin sebayang irah Yahudi ngan tong jalan pebelih péh, dokoo' irah éh jah omok na'at éh. Akeu' bara' mu'un ngan keh, laa' réh oléé' néh tenéh.

LUKAS 10:29

Uban lakei' inah seruh iah pu'un kivu kekat sohoo' inah, inah éh neteng Yésus kepéh. Ka' ha' néh, séé' éh padéé' ké' kepéh, ha' néh.

LUKAS 11:39

Inah Tuhan pané ngan Néh, ka' ha' Néh, Pinaa' adet ka'ah kelunan Parisi pohéé' likot sawan ngan pigan, bang lem kenin keh pu'un buyuk ngan pinaa' arong kesa'at.

LUKAS 18:11

Kelunan éh kivu adet Parisi nekedéng tengéé' ngan sebayang, ka' ha' néh, Akeu' bara' jian kenin ngan Ko' Tuhan, uban akeu' iteu' kelunan éh jian, bé' ku' kuman nyahan, bé' ku' ngebuyuk kelunan, bé' ku' nuyang pekua' kelunan éh pinaa' nah. Kenat péh akeu' bara' jian kenin ngan Ko', uban bé' ku' barei' kelunan éh alaa' sukai inah.

LUKAS 18:14

Ha' Yésus kepéh, Akeu' bara' ngan ka'ah, hun rawah moléé' la'ah, kelunan éh alaa' sukai nah éh pu'un jian tong ta'an Tuhan, uban Tuhan pika éh ngan bet penyala' néh. Bang séé'-séé' éh ngajung usah néh tengéé', iah tai ra' kepéh, ngan séé'-séé' éh ngediva' kenin néh, iah éh kenajung kepéh, ha' Yésus.

LUKAS 18:21

Ha' lakei' inah kepéh, Kekat sohoo' néh inah pu'un ku' kivu éh jin hun ké' si'ik, ha' néh.

LUKAS 18:9

Pu'un Yésus bara' jah ha' tapan kepéh ngan kelunan éh seruh usah néh tengéé' pu'un jian ngan leko kekat irah éh jah. Ka' ha' Néh,

LUKAS 20:20

Boh irah mena ngan pitah jalan kepéh hun mah lah réh omok maneu' Éh kenat. Pu'un irah mena' rigit ngan kelunan ke' réh nyohoo' réh tai kivu Yésus pekua' kelunan éh ngelan mu'un, bang réh ngelayoo' awah. Boh réh nyohoo' kelunan inah tai tavin Yésus ngan neteng Éh tong kuraa' arong rungen dokoo' réh pitah ha' néh sala'. Irah maneu' Éh kenat hun Néh sala' ha' ke' réh omok pesala' Éh tong peritah.

LUKAS 20:47

Pu'un réh ngebuyuk irah redo baleu' ngan alaa' livah réh awah, la'o inah kenat péh réh ngelayoo' awah maneu' jian neu' réh kebit ha' sebayang. Ukum irah inah pelapah bahat jin ukum irah éh jah, ha' Yésus nah.

YOHANES 2:25

Bé' tusah kelunan tai bara' barék kelunan éh jah ngan Néh, uban Iah tengéé' jam kekat éh dalem kenin kelunan béé.

YOHANES 21:17

Keteleu' koléé' Yésus neteng éh, Simon anak Yohanes, kineu' néh kemurung ko' Akeu'? Ha Néh. Tusah kenin Péterus uban Yésus neteng éh teleu' koléé', kineu' néh kemurung ko' Akeu'? Ha' nah. Boh Péterus mipa Éh oo' Tuhan Ka'au jam kekat néh, ka'au' jam akeu' murung tong Ke'. Ha' Yésus ngan néh mihau néh domba-domba Ké', ha' Néh.

PENGANEU' LAWAH 1:18

La'ah Yudas melih jah tulat tana' palaa' rigit éh nalaa' néh tong kesa'at néh lepah nah, ngan iah ngelohoo' usah néh tioo letaa' betuken néh ngan musit uwit néh.

PENGANEU' LAWAH 1:24

Pu'un réh sebayang, ka' ha' réh, O Tuhan, Ka'au' éh jam kenin kekat kelunan, uban néh kenat jian Ke' bara' séé' éh kevéléé' Ko' jin belah rawah iteu',

PENGANEU' LAWAH 15:8

La'ah Allah éh jam kenin kekat kelunan, pu'un Éh pekelenaa' adang Néh keloo' kelunan éh tengéé' pohoo' alaa' urip Néh, neu' Néh mena' Sahéé' Ni'ai ngan réh, pekua' éh na' Néh ngan uleu' rai.

SURAT PAULUS NGAN SIDANG RUM 3:20

Bé' pu'un séé'-séé' kelunan éh omok pemung ngan Allah ke' néh omok jian kepéh, neu' néh kivu sohoo' lem Surat Musa. Surat Musa nojoo' jalan ngan kelunan ke' réh jam kekat kelunan, kelunan penyala' awah.

SURAT PAULUS NGAN SIDANG RUM 8:27

Ngan Allah éh jam kenin kekat kelunan, Iah péh jam tong pengeloo' Sahéé', uban Sahéé' Ni'ai menyat jin Allah tong kekat kelunan éh anah nah, pekua' pengeloo' Allah.

1 KORINTUS 4:5

Uban néh kenat mai ka'ah petuneng ngan maneu' kelunan pah avéé' jaka' éh kevéléé' Tuhan hun sioo' Néh tuai kepéh. Adang Iah omok pepoléng kekat penyeruh réh éh merem ngan éh pelim rai, ngan Iah pepoléng kekat pengeloo' kenin kelunan éh pelim rai. Tovoo' inah Tuhan pu'un mejing kelunan kivu pekua' penganeu' réh.

1 PÉTERUS 3:4

Bang jian keh alaa' layan éh jian neu' kenin keh éh pu'un ni'ai. Layan omok mukun uban néh neu' kenin éh dawai ngan kenin éh diva', kenin éh kenat jian mu'un éh tong Allah.

1 PÉTERUS 5:5

Kenat péh kepéh kekat ka'ah lemanai, jian ka'ah kivu sohoo' irah éh ja'au. Jian ka'ah béé-béé diva' kenin, nolong petolong uban pu'un jah ha' dalem surat Allah éh bara' ka', Allah ngelawan irah éh bau kenin bang Iah pika irah éh diva' kenin, ha' Néh. '

ÉH POLÉNG 2:23

Akeu' péh juk mematai kekat irah éh kivu iah boh kekat sidang omok jam Akeu' éh jam lem penyeruh ngan kenin kelunan. Akeu' juk mena' oléé' ngan keh kivu penganeu' siget usah.