LUKAS 16:1 - Rengah Jian

¹ La'ah ka' ha' Yésus ngan irah éh bakéh Néh, Pu'un jah kelunan sahau éh kaya' mu'un. Kelunan kaya' inah mena' jah kereja' ngan jah kelunan ke' néh nyohoo' éh mihau kekat anah nah livah. La'ah pu'un kelunan bara' ka' ngan néh, Bé' kelunan inah teneng pakai kekat rigit ko' rai de', ha' réh ngan pengeja'au nah.

LUKAS 16:1 Iomraidhean Croise

MATIUS 20:8

Tovoo' dau merem kelunan éh pu'un pulah inah tebai pengeja'au éh mihin réh kereja' nah, ka' ha' néh ngan néh, Jian ke' tebai irah éh kereja' ri' mena' gaji réh. Mena' éh tenah ngan irah éh tuai kereja' metok awah ri', avéé' ngan irah éh tenebai ké' tenah nah, ha' néh.

LUKAS 12:42

Ha' Tuhan mipa éh, Jian keh seruh, jin belah kekat kelunan sohoo' séé' éh tigéh ngan jam seruh maneu' kekat kereja' néh. Kelunan inah éh kevéléé' pengeja'au néh ke' néh petubo lamin néh ngan ke' néh mena' penguman ngan irah éh pata kelunan sohoo' tong jaka' réh kuman.

LUKAS 15:13

Bé' lebéé' la'o inah anak tadin nah melih kekat livah éh nena' tamen néh ngan néh nah ke' néh alaa' rigit tong néh, ke' néh tioo lakau tai tana' juu'. Avéé' sitai iah bet rigit néh tong barék éh sa'at,

LUKAS 15:30

Bang anak ko' inah, iah bet kekat livah ko' tong barék néh sa'at ngan petuyang péh. Hun néh moléé' pu'un ke' mematai anak sapé' éh lemek dokoo' ko' maneu' ka'an ngan néh, ha' anak tuken inah ngan tamen néh.

LUKAS 16:19

La'ah ka' ha' Yésus kepéh, Pu'un jah kelunan kaya' ngan pinaa' arong pakai néh éh jian mu'un-mu'un, kelunan inah murip jian mu'un ngan kuman nyahan siget-siget dau.

LUKAS 16:2

Boh lakei' pengeja'au inah tebai kelunan éh sohoo' néh mihau kekat livah néh nah. Ka' ha' néh ngan néh, Kineu' rengah éh nenéng ké' tong ka'au' nah, teneng éh kenat. Jian ke' nyurat pekua' jalan ko' pakai rigit ké' rai, bé' ke' omok kereja' ngan ké' kepéh, ha' néh.

LUKAS 19:20

La'o inah pu'un jah usah tuai tavin éh kepéh, ha' néh, O amam, pu'un akeu' alaa' rigit mas éh na' ko' ngan ké' irai, iteu' éh neu' ké', kelebéé' ko' lakau rai pu'un ku' modoo' éh jian-jian lem livah ké' siteu'.

LUKAS 8:3

Pu'un kepéh Yohana, do Kusa, Kusa nah jah kelunan ja'au éh kereja' tong lamin Herodis, inah kepéh, Susana ngan pinaa' redo éh jah kepéh éh nolong Yésus ngan bakéh Néh, éh mena' livah ngan irah Yésus nah.

TITUS 1:7

Uban kelunan éh pelayan, pu'un éh maneu' kereja' Allah ngan bé' tekep éh pu'un sa'at. Mai éh kelunan éh bau kenin ngan éh lumang merek. Mai éh kelunan éh mavuk ngan éh lumang pané sa'at, mai éh kelunan éh kelih, éh mekum tong rigit.

YAKUB 4:3

La'ah barang pu'un keh menyat éh jin Tuhan, bé' keto keh omok alaa' éh, uban kenin keh bé' teneng pu'un keh menyat éh dokoo' keh ngejian kenin keh awah.

1 PÉTERUS 4:10

Jian siget usah tigéh maneu' kereja' Tuhan uban pinaa' arong pengena' Allah dalem kenin kelunan dokoo' lu' nolong kelunan éh jah. Jian keh tigéh dalem kekat pengena' Néh inah.