LUKAS 15:7 - Rengah Jian

⁷ Barei' inah kepéh hun pu'un jah usah éh sa'at éh piso jin penyala' néh, murung mu'un réh tong seruga, pelapah ja'au jin kemurung réh tong pien poloo' pien kelunan jian, éh bé' pu'un maneu' éh tekep ke' néh pekoléé' kenin, ha' Yésus ngan réh.

LUKAS 15:7 Iomraidhean Croise

MATIUS 18:13

Hun néh jam éh kepéh, murung kenin néh tong néh jin kemurung néh tong domba éh pinaa' nah éh bé' tawang.

MATIUS 3:8

Jian keh maneu' kekat éh jian éh omok pepoléng ka'ah lepah piso jin kekat kesa'at keh.

LUKAS 15:10

Kenat péh kekat meliket Allah murung mu'un réh tong jah kelunan penyala' éh pekoléé' kenin, ha' Yésus.

LUKAS 15:29

Bang ka' ha' néh ngan tamen néh, Seruh ke', Kuraa' ta'un jin lepah rai akeu' maneu' kereja' ngan ko' pekua' barei' kelunan sohoo' awah, ngan jah-jah koléé' péh bé' ku' ngelapah tong sohoo' ko', bang bé' ka'au' mena' ineu'-ineu' péh ngan ké', jah mék péh bé' ka'au' mena' éh ngan ké' dokoo' ké' maneu' ka'an ngan jian kenin pemung ngan bakéh ké'.

LUKAS 15:32

Adang éh tekep lu' maneu' ka'an ja'au ngan murung kenin, uban padéé' ko' inah lepah matai rai, bang hun iteu' pu'un éh murip kepéh, inah iah lepah tawang rai, ngan hun iteu' pu'un éh lepah moléé' kepéh, ha' tamen néh, ha' Yésus.

LUKAS 15:6

ke' néh mihin éh tai lamin néh. Avéé' tong lamin néh inah iah tebai kekat bakéh néh ngan kekat irah panak néh ke' néh bara' ka' ngan réh, Jian uleu' béé murung kenin, uban domba ké' éh tawang rai, lepah nalaa' ké' tenéh éh, ha' néh.

LUKAS 15:8

Ka' ha' Yésus kepéh, Hun néh pu'un jah redo éh pu'un jah poloo' rigit pirek, boh jah rigit inah metat, kineu' éh neu' redo inah kepéh? Adang néh seket titui néh ngan pa kekat gelan néh ke' néh pitah éh mu'un-mu'un pah avéé' néh pu'un poléng kepéh.

LUKAS 16:15

Ka' ha' Yésus ngan réh, Neu' kekat kereja' keh, ka'ah keloo' kelunan éh jah seruh keh kelunan éh jian, bang Allah jam kenin keh bé' éh kenat. Kekat éh pu'un gunah kunah kelunan, seleket dek awah éh tong ta'an Allah, ha' Néh.

LUKAS 5:32

Bé' Akeu' tuai tong tana' iteu' Ké' tebai kelunan éh seruh iah kelunan éh jian, bang Akeu' tuai ke' Ké' tebai kelunan penyala' dokoo' réh omok piso jin penyala' réh, ha' Néh.

SURAT PAULUS NGAN SIDANG RUM 7:9

Hun sahau rai, pu'un ku' murip marut awah, bé' ku' jam tong Surat Musa. Tovoo' ké' jam ha' Tuhan meta' kenat, tioo penyala' murip ngan gusii' lem kenin ké'.