LUKAS 15:13 - Rengah Jian

¹³ Bé' lebéé' la'o inah anak tadin nah melih kekat livah éh nena' tamen néh ngan néh nah ke' néh alaa' rigit tong néh, ke' néh tioo lakau tai tana' juu'. Avéé' sitai iah bet rigit néh tong barék éh sa'at,

LUKAS 15:13 Iomraidhean Croise

LUKAS 15:12

Anak néh éh tadin menyat livah jin tamen roh. Ka' ha' néh, O amam, jian ke' tulat livah inah ngan ké' hun iteu', mai mena éh vam, ha' néh. Boh tamen néh petulat kekat livah inah ngan rawah anak inah.

LUKAS 15:14

pah avéé' kekat rigit néh béé. Bé' lebéé' la'o inah pu'un sioo' la'au' tong tana' inah, lakei' inah bé' pu'un ineu'-ineu' néh, uban kekat livah néh lepah béé.

LUKAS 15:30

Bang anak ko' inah, iah bet kekat livah ko' tong barék néh sa'at ngan petuyang péh. Hun néh moléé' pu'un ke' mematai anak sapé' éh lemek dokoo' ko' maneu' ka'an ngan néh, ha' anak tuken inah ngan tamen néh.

LUKAS 16:1

La'ah ka' ha' Yésus ngan irah éh bakéh Néh, Pu'un jah kelunan sahau éh kaya' mu'un. Kelunan kaya' inah mena' jah kereja' ngan jah kelunan ke' néh nyohoo' éh mihau kekat anah nah livah. La'ah pu'un kelunan bara' ka' ngan néh, Bé' kelunan inah teneng pakai kekat rigit ko' rai de', ha' réh ngan pengeja'au nah.

LUKAS 16:19

La'ah ka' ha' Yésus kepéh, Pu'un jah kelunan kaya' ngan pinaa' arong pakai néh éh jian mu'un-mu'un, kelunan inah murip jian mu'un ngan kuman nyahan siget-siget dau.

ÉPESUS 2:13

Bang hun iteu' kepéh neu' urip keh petem lem Kristus Yésus, ka'ah éh bé' jam Allah sahau rai, hun iteu' neu' dahaa' Kristus ka'ah jam éh, ngan pu'un Iah mihin keh tavin Allah.

ÉPESUS 2:17

La'ah kenat péh Kristus tuai ke' Néh bara' Rengah Jian tong jalan kelunan omok tunuk ngan Allah, kenat péh ka'ah éh tengéé' pohoo' éh juu' jin Allah sahau rai, kenat péh kelunan Yahudi éh pu'un lepah danii' tong Iah.

2 PÉTERUS 2:13

Neu' réh petusah kenin kelunan éh jah, adang irah tengéé' péh teneng tusah kepéh. Kenat péh bé' réh jam menyaa', hun dau rema murung kenin réh kivu kekat pengagat usah réh. Tovoo' réh pu'un kuman pemung ngan keh, barék réh omok pekenyaa' mu'un. Irah murung kenin uban réh omok ngelavo' keh.