6 Bang bé' réh jam pané mipa ha' Néh kepéh.
Bé' réh omok pané bara' ineu'-ineu' ngan Yésus kepéh. La'ah jin dau inah bé' pu'un séé' péh éh makang neteng éh tong ineu'-ineu' la'ah.
Neu' ha' Yésus pané kenat, menyaa' kekat irah éh juk maneu' Yésus nah, bang irah pinaa' murung kenin na'at kekat penganeu' Yésus éh jian mu'un-mu'un.
Na' péh irah pitah jalan juk pesala' Éh tong ta'an kekat kelunan, bé' réh omok pesala' Éh kenat, boh réh mokoo' kelem awah kepéh, béé kenin réh menéng ha' Néh kenat.
Bang bé' pu'un séé'-séé' éh makang neteng éh tong ineu'-ineu' kepéh.
Uban tovoo' réh ngamit keh da', adang Ké' pu'un mena' pengejam Ké' ngan keh ke' néh nolong keh pané, pah avéé' irah éh maneu' keh nah, bé' omok ngelawan ngan bé' omok bet ha' keh kepéh da', ha' Néh.
Bang bé' éh Stepanus tengéé' éh mipa ha' réh, bang Sahéé' Tuhan mena' pengejam ngan néh avéé' réh bé' omok maneu' éh kepéh.
