LUKAS 14:32 - Rengah Jian

³² Hun néh lepah seruh kenat hun seradu néh iteu' bé' omok nyopéé' irah pinaa' inah, to raja' éh jah inah juu', adang néh nyohoo' kelunan tai temeu' ngan raja' nah ke' néh neteng éh tong jalan néh ngepawah pekayau inah.

LUKAS 14:32 Iomraidhean Croise

MATIUS 5:25

Ha' Yésus kepéh, Hun pu'un kelunan pesala' keh ngan mihin keh tai besara', jian keh ngebakéh éh kelebéé' keh omok ngebakéh éh keto, dai hun keh avéé' tong lamin besara', adang iah mena' keh ngan lakei' ja'au éh ngukum réh, kelunan inah kepéh mena' keh ngan irah éh mavaa' lamin tutup ke' réh masek keh lem lamin inah.

MATIUS 5:42

Hun pu'un kelunan éh menyat ineu'-ineu' ngan keh, jian keh mena' ngan réh. Hun réh menyat juk ngetiwa livah keh, jian keh ngetiwa éh, ha' Néh.

LUKAS 12:58

Barei' hun pu'un kelunan éh pesala' keh ngan juk mihin keh tai besara', kelebéé' keh bé' jak avéé' tong dau besara' nah, jian keh mekat pitah jalan dokoo' keh omok alaa' jian kenin ngan néh kepéh, dokoo' néh bé' mihin keh tai jumen irah éh jam petuneng, dai irah éh jam petuneng nah mena' keh ngan irah éh mavaa' lamin tutup ke' réh mihin keh tai sinah.

LUKAS 14:31

Jah la'ah, hun néh pu'un jah raja' éh pu'un jah poloo' ibu seradu, hun néh seruh juk tai ngayau irah seradu éh duah poloo' ibu anah jah raja' éh jah kepéh, adang tekep éh mokoo' seruh jian-jian tenah, ke' néh jam hun anah seradu iteu' omok gahang jin seradu éh duah poloo' ibu anah jah raja' nah.

LUKAS 14:33

Barei' inah péh bé' pu'un séé'-séé' péh omok bakéh Ké' hun néh bé' bet kekat-kekat éh anah nah, ha' Néh.

LUKAS 19:14

Irah kelunan éh pohoo' néh leko éh, inah irah nyohoo' kelunan éh jah tai pané ngan néh, ka' ha' réh, Bé' améé' keloo' ka'au' pengeja'au mé', ha' réh.

PENGANEU' LAWAH 12:20

La'ah merek mu'un-mu'un raja' Herodis ngan kelunan jin leboo' Tirus ngan Sidon, la'ah pu'un réh pelamai kenin Blastus tenah ke' néh omok kua' kenin ngan réh uban lakei' inah, iah éh pengeja'au tong lamin raja' nah. Jin la'o inah boh réh tai menyat tunuk ngan Herodis, uban kekat penguman réh nelih jin tana' raja' nah.