LUKAS 14:3 - Rengah Jian

³ La'ah Yésus neteng irah guru éh nebaraa' tong sohoo' lem Surat Musa ngan irah éh kivu adet Parisi péh, ka' ha' Néh, Kineu' ukum tebaraa' lu', kineu', omok lu' peka'o kelunan sioo' dau Posot kei? Kineu', bé' lu' omok maneu' éh kenat kei? Ha' Néh.

LUKAS 14:3 Iomraidhean Croise

MATIUS 12:10

Tong lamin sebayang inah pu'un jah kelunan éh paket ojoo' jebila'. La'ah pu'un kuraa' kelunan sinah éh juk pesala' Yésus, inah irah neteng éh, ka' ha' réh, Kineu', omok lu' peka'o kelunan sakit tong Dau Posot da'? Kineu', bé' lu' ngelapah tong ukum tebaraa' lu' nah da', ha' réh.

MATIUS 12:2

Hun irah éh kivu adet Parisi na'at réh maneu' kenat, pu'un réh pané ngan Yésus, ka' ha' réh, Bé' tekep réh maneu' kenat tong Dau Posot, uban réh maneu' kenat inah irah pu'un ngelapah tong ukum tebaraa' améé', ha' réh.

MATIUS 22:35

La'ah jah usah jin belah réh éh nebaraa' tong Surat Musa, tuai pané ngan Yésus ke' néh juk pesala' éh.

MARKUS 3:4

La'ah ha' Yésus ngan kelunan éh pinaa' sinah, Akeu' juk neteng ngan ka'ah, Ineu' omok neu' lu' tong Dau Posot? Kineu' ha' lem tebaraa' éh kenivu lu' iteu', pu'un éh nyohoo' lu' masi kelunan? Kineu' éh, kelu' ngesa'at kelunan kunah néh? Kineu sohoo' néh ngan lu', kelu' purip kelunan nah? Kineu lah lu' da', kelu' mematai kelunan nah? Kineu' ha' tebaraa' tong Dau Posot lu' iteu' néh kunah ka'ah, ha' Yésus neteng réh. Bang bé' réh mipa éh.

LUKAS 14:2

Tong lamin inah pu'un jah kelunan éh vahut tuai tavin Yésus.

LUKAS 14:4

Bang bé' irah mipa ha' Néh kenat, irah mokoo' kelem awah. Boh Yésus alaa' kelunan éh vahut nah ke' Néh peka'o éh, la'o inah boh Éh nyohoo' éh moléé'.

LUKAS 6:9

Ha' Néh, Betéé' ke', jian ke' tuai nekedéng siteu', ha' Néh. Boh éh tai nekedéng tong jumen réh. Ka' ha' Yésus ngan réh kepéh, Akeu' juk neteng ka'ah, Ineu' éh omok neu' lu' tong Dau Posot? Kineu' ha' lem ukum éh kenivu lu' iteu'? Pu'un éh nyohoo' lu' masi kelunan? Kineu', pu'un éh nyohoo' lu' maneu' sa'at ngan kelunan? Kineu', pu'un éh nyohoo' lu' purip kelunan? Kineu' ha' ukum tong Dau Posot lu' iteu' kunah ka'ah, ha' Yésus ngan réh.

YOHANES 7:23

Hun keh omok pesunat anak keh tong Dau Posot dai keh ngelapah tong sohoo' lem Surat Musa nah, kineu' keh merek ngan Ké' hun Ké' peka'o kelunan mu'un tong Dau Posot.